काठमाडाैं । रुसले युक्रेनमाथि आक्रमण गरेपछि च्याम्पिन्स लिग फुटबल प्रतियोगिताको फाइनल खेल रुसमा नहुने भएकाे छ । युरोपेली फुटबलको सबैभन्दा सम्मानित प्रतियोगिताको फाइनल खेल अब फ्रान्समा हुने बीबीसीले जनाएकाे हाे ।
शुक्रबार आयोजित एउटा बैठकमा यूईएफएले त्यसबारे निर्णय गर्दै फाइनल खेल फ्रान्समा गर्ने निर्णय गरेको हो ।
यसअघि च्याम्पियन्स लिगकाे फाइनल खेल रुसकाे सेन्ट पिटर्सबर्गमा मे २८ मा हुने कार्यक्रम थियो । रुसले युक्रेनमाथि आक्रमण गरेपछि यूईएफएले च्याम्पियन्स लिगकाे फाइनल खेल हुने स्थान परिवर्तन गरेकाे हाे ।
