काठमाडाैं । नेकपा एमालेका नेता भीम राववले एमसीसी पास गर्नेहरु देशमा गद्दारकाे रुपमा चिनिने बताएका छन् ।
आइतबार प्रतिनिधिसभा बैठकमा बाेल्ने क्रममा राववले एमसीसीमा समर्थन गर्नेहरु राष्ट्रिय गद्दार ठहर्ने दाबी गरेका हुन् ।
उनले व्याख्यात्मक टिप्पणी र संकल्प प्रस्तावको कुरा जनता झुक्याउने काम मात्रै भएकाे पनि बताएका छन् । राववले भने, ‘राजनीतिक दलका केही नेताहरुको सत्ता स्वार्थ र गुटबन्दीका लागि स्वाधीनता विरोधी सम्झौता पारित गरिनु राष्ट्रहित विपरीत हुनेछ ।’
उनले एमसीसीकाे कतिपय बुँदा राष्ट्रघाती भएकाे पनि प्रष्ट पारे ।
