जापान । निलुवा समाज जापानको अतिथि सम्मान कार्यक्रम तथा बैठक यकोहामामा सम्पन्न भएकाे छ ।
बागलुङ जिल्ला ‘गलकोटको सुन्दर निलुवा हाम्रो शान, पर्यटकीय पूर्वाधार विकासमा हामी सबैको अभियान’ भन्ने मान्यताका साथ निलुवा समाज जापानको अतिथि सम्मान कार्यक्रम तथा भौतिक बैठक यकोहामामा सम्पन्न भयको हाे ।
सन् २०१५ मा स्थापना भएकाे मानवीय सेवा गर्ने संस्था निलुवा समाज जापानले गएकाे साेमबार कार्यवाहक अध्यक्ष तथा वरिष्ठ उपाध्यक्ष रामु खत्रीको सभापतित्वमा सम्मान तथा बैठक राखेकाे थियाे । कार्यक्रम संस्थाका महासचिव भूमिराज सूवेदी ‘ठिटो’ले सञ्चालन गरेका थिए ।
कार्यक्रममा स्वागत मन्तव्य संस्थाका उपाध्यक्ष जी आर शर्माले दिएका थिए । यसैगरी, संस्थाका संरक्षक थम क्षेत्रीले मन्तव्य दिएका थिए । उनले संस्थाकाे विकासका लागि एक भएर लाग्ने बताए ।
नेपालबाट जापान भ्रमणको सिलसिलामा रहेका मित्रलाल सुवेदी मनकुमारी सुवेदीलाई संस्थाले सम्मान गरेको थियाे । सम्मान गरेवापत सुवेदी दम्पतीले धन्यवाद ज्ञापन गरेका थिए ।
यसैगरी, बैठकमा सह-कोषाध्यक्ष भूमिराज शर्मालाई कोषाध्यक्षको कार्यभार हस्तान्तरण गरी संस्थाको आर्थिक प्रतिवेदन पेश गरिएकाे थियाे ।
निलुवा समाज जापानले बाग्लुङ जिल्ला गल्कोट नगरपालिका-४ निलुवामा नीलबराह मन्दिर निर्माणको लागि शिलान्यास गर्ने निर्णय पनि पारित गरेकाे संस्थाका महासचिव भूमिराज सूबेदी ‘ठिटो’ ले जानाकारि दिए । उनले समयमा नै निर्माण सम्पन्न गरिने पनि बताए ।
यसैगरी, साविक बाग्लुङ जिल्ला गल्कोट नगरपालिका- ४ चमुवा र हाल चितवन जिल्ला राप्ति नगरपालिका वडा नं १ पिप्ले निवासी सुवेदी वन्धुवान्धवको अभिभावक तथा गङ्गाराम सुवेदी र राजु सुवेदीका ममतामयी माता लिलादेवी सुवेदीको गत कात्तिक ७ गते ८० वर्षको उमेरमा निधन भएकाेमा श्रद्धाञ्जली पनि अर्पण गरिएकाे थियाे । समाजका अध्यक्ष माेहन सुवेदी तथा प्रवक्ता दीपक सुवेदी विप्लवकाे सहभागितामा उक्त श्रद्धाञ्जली सभा सम्पन्न भएकाे हाे ।
सम्मान कार्यक्रम तथा बैठकमा बोल्ने वक्ताहरूले कर्मभूमिमा रहेर पनि आफ्नाे जन्मभूमि र देशप्रतिको माया, ममता र पूरा गरेको दायित्वले आउने पुस्तालाई प्रेरणा र हाैसला मिल्ने बताएका थिए । कार्यक्रममा सहभागीहरुकाे बाक्लाे उपस्थिति रहेकाे संस्थाका उपाध्यक्ष जीआर शर्माले जानकारी दिए ।