काठमाडौं । राष्ट्रिय स्वतन्त्र पार्टीको उम्मेदवारका रुपमा काठमाडौं क्षेत्र नम्बर २ बाट प्रतिनिधि सभा सदस्यमा विजयी भएकी सोविता गौतमले आफ्नो चुनावी खर्चको विवरण निर्वाचन आयोगमा बुझाएकी छन् ।
उनले जिल्ला निर्वाचन कार्यालय काठमाडौंमा पुगेर आफ्नो चुनावी खर्च विवरण बुझाएकी हुन् । उनले निर्वाचनका क्रममा ३ लाख ७१ हजार खर्च भएको विवरणमा उल्लेख गरेकी छन् ।
गौतमले सबैभन्दा धेरै खर्च खाना र खाजामा गरेकी छन् ।
उनले गोष्ठी र कार्यकर्ता परिचालन शीर्षकमा ८० हजार ९९५ रुपैयाँ खर्च भएको विवरणमा उल्लेख गरेकी छन् ।
त्यस्तै, सवारी साधनमा ७८ हजार , इन्धनमा ६२ हजार ५०५ र घोषणापत्र तथा नमूना मतपत्रमा ४६ हजार ५०० रुपैयाँ खर्च भएको विवरणमा उल्लेख गरेकी छन् ।