काठमाडाैं । इम्बोस्ड नम्बर प्लेटको जडान गर्ने सम्बन्धमा सरकारले गरेको असंवैधानिक र अव्यवहारिक निर्णयप्रति विश्व हिन्दू परिषद, नेपालले गम्भीर आपत्ति प्रकट गरेकाे छ ।
सवारी साधनमा प्रयोगमा रहेको नेपाली भाषा र देवनागरी लिपिलाई विस्थापित गरी अंग्रेजी भाषामा इम्बोस्ड नम्बर प्लेट जडान हुने भएपछि परिषद्ले एक विज्ञप्ति जारी गरेर आपत्ती प्रकट गरेकाे हाे ।
‘नेपाली भाषा र देवनागरी लिपिलाई कमजोर र धरासायी बनाउने उद्देश्यसहित देवनागरी लिपिको नम्बर प्लेट विस्थापित गर्ने नीतिले नेपाली भाषामाथिको ठाडो प्रहार हो’ विज्ञप्तिमा भनिएकाे छ ।
