काठमाडौं । काठमाडौं महानगरपालिकाका प्रमुख बालेन शाह नेकपा एमाले नेता महेश बस्नेतसँग भेट्न पुगेका छन् ।
नेता बस्नेतको घर भक्तपुर पुगेर मेयर शाहले नेता बस्नेतसँग भेटवार्ता गरेका हुन् ।
विगतको असमझदारीलाई टुंगाएर सहकार्य गरेर अगाडि बढ्न प्रस्ताव गरेको नेता बस्नेतले बताए ।
उनले भने, ‘उहाँ मेरो घर भक्तपुरको गुण्डुमा आउनुभएको थियो । विगतको असमझदारी हटाएर सहकार्य गरेर जाऔं भन्नुभयो ।’
भक्तपुर पुगेर विकासे योजनाको अवलोकनपछि आफ्नै घरमा सँगै खाना खाएर छुटेको उनले बताए ।
यसअघि नेता बस्नेत बालेनको चर्को आलोचकको रुपमा प्रस्तुत हुने गरेका थिए ।