काठमाडाैं । गैरआवासीय नेपाली सङ्घ (एनआरएनए)काे आगामी अक्टोवरमा हुने निर्वाचनका लागि वर्तमान प्रवक्तासमेत रहेका साेम सापकोटाले उपमहासचिव पदमा उम्मेदवारी दिने भएका छन् ।
विश्वभरि छरिएर रहेका नेपालीहरूलाई एउटै छानामुनि केन्द्रित गर्दै भाइचाराको सम्बन्ध स्थापित गर्दै प्रवास बस्ने सम्पूर्ण नेपालीहरूको एकमात्रै साझा सङ्गठन हो गैरआवासीय नेपाली सङ्घ (एनआरएनए)।
संघकाे स्थापनाकालदेखि नै सक्रिय सापकोटा संघकाे विभिन्न पदीय जिम्मेवारीमा रही नेपाल र नेपालीहरूको हक हितमा संस्थागत रूपमा क्रियाशील छन् । सन् २००६ मा गैर आवासीय नेपाली संघ पोर्चुगलको राष्ट्रिय समन्वय परिषद्को निर्वाचित सदस्य हुँदै संघमा जोडिएका सापकोटाले सन् २००८ मा डेनमार्कको संस्थापक अध्यक्ष जिम्मेवारी निवार्ह गरे ।
सापकोटा सन् २०११–२०१३ सम्म गैरआवासीय नेपाली संघकाे केन्द्रीय सदस्य सन् २०१५–२०१७ यूरोपको उपसंयोजक र सन् २०१७–२०१९ मा गैर आवासीय नेपाली संघ अन्तर्राष्ट्रिय समन्य परिषद्को सहकोषाध्यक्षमा निर्वाचित भएका थिए ।
यसैगरी, सन् २०१९–२०२१ मा केन्द्रीय सल्लाहकार भएका सापकोटा हाल संघकाे प्रवक्ताको जिम्मेवारीमा रहेका छन् ।
नेपालमा गैरआवासीय नेपाली संघ माध्यमबाट इलाइब्रेरी स्थापना, पर्यटन प्रवर्द्धन, लगानीमार्फत रोजगारी लगायतमा सापकोटाले भूमिका खेलेका छन् । सापकाेटाले उपमहासचिव पदमा सकभर निर्विराेध अपेक्षासहित सम्पूर्णमा सहयोग गर्न अनुरोधसमेत गरेका छन् ।
गैरआवासीय नेपाली सङ्घको एघारौँ विश्व सम्मेलन तथा निर्वाचन असोज ३० गतदेखि कार्तिक ३ गतेसम्म काठमाडौंमा हुँदैछ ।
