Category: अर्थ

काठमाडौं । सेयर बजार कारोबार दुई वर्षयताकै उच्च भएको छ । मंगलबारको कारोबार ८ अर्ब नाघेको छ । नेप्से सूचक ५४.५४ अंकले बढेर २१७५.१७ पुगेको छ । नेपाल स्टक एक्सचेन्जको रेकर्डअनुसार २०७८ माघ ४ पछि हालसम्मकै उच्च कारोबार भएको हो ।

बैंकहरुको ब्याजदर घटेको असर सेयर बजारमा परेको हो । १४ कम्पनीको सेयरमा सर्किटस्तरको कारोबार भएको छ । ३०४ कम्पनीमध्ये २१४ को सेयर मूल्य बढेको छ । ३१ कम्पनीको सेयर मूल्यमा गिरावट छ भने २ कम्पनीको सेयर मूल्य स्थिर छ । मंगलबार सर्वाधिक बढ्नेमा फाइनान्स ४.७५ प्रतिशत छ । इन्भेस्टमेन्ट कम्पनी ३.७०, जलविद्युत ३.५१, लघुवित्त ३.०२ प्रतिशतले बढेको छ ।

सर्वाधिक कारोबार हुनेमा सोनापुर मिनरल्स, निफ्रा, एनआरएन इन्फ्रस्ट्रक्चर, हिमाल दोलखा हाइड्रोपावर र अपि पावर लगायतका कम्पनी छन् ।

सोनापुरको २८ करोड ३१ लाख, निफ्राको २३ करोड २६ लाख, एनआएन २१ करोड १३ लाख, हिमाल दोलखाको १७ करोड ६३ लाख र अपि पावरको १६ करोड ४६ लाख रुपैयाँ बराबरको सेयर कारोबार भएको छ ।

सेयर मूल्य बढ्नेमा बुटवल पावर कम्पनी, युनाइटेड मोदी हाइड्रोपावर, हिमालय पावर, एनआरएन इन्फ्रास्ट्रचर, नेपाल वेयरहाउस कम्पनी लगायत अगाडि छन् । मंगलबार २ करोड ३३ लाख ७० हजार ५३ किता सेयर कारोबार भएको छ, जसमा कारोबार रकम ८ अर्ब २ करोड ३८ लाख रुपैयाँ पुगेको छ ।

काठमाडौं । नेपाल आयल निगमले पेट्रोल, डिजेल र मट्टितेलको मूल्य घटाएको छ ।

निगमले मंगलबार विहानदेखि लागू हुने गरी पेट्रोल, डिजेल र मट्टितेलमा समान १-१ रुपैयाँ मूल्य घटाएको हो । जसअनुसार अब पेट्रोलको मूल्य पहिलो वर्गका लागि प्रति लिटर १६३.५० रुपैयाँ, दोश्रो वर्गका लागि प्रति लिटर १६५ रुपैयाँ र तेश्रो वर्गका लागि प्रति लिटर १६६ रुपैयाँ कायम भएको छ ।

त्यस्तै, डिजेल-मट्टितेलको मूल्य पहिलो वर्गका लागि प्रति लिटर १५३.५० रुपैयाँ, दोश्रो वर्गकालागि प्रति लिटर १५५ रुपैयाँ र तेश्रो वर्गकालागि प्रति लिटर १५६ रुपैयाँ कायम भएको छ ।

निगमले हाल स्वचालित मूल्य समायोजन प्रणाली लागू गरेको छ । भारतीय आयल कर्पोरेसनले मूल्य घटाउँदा नेपालमा पनि स्वतः मूल्य घट्ने गरेको छ ।

सोमबार भारतीय आयल निगमले मूल्य घटाएपछि नेपालले पनि मूल्य समायोजन गरेको हो । भारतीय निगमले पेट्रोलको मूल्यमा प्रति लिटर १.२६ रुपैयाँ र डिजेल-मट्टितेलको मूल्यमा प्रति लिटर ०.८३ रुपैयाँ घटाएको थियो ।

काठमाडौं । साताको पहिलो कारोबार दिन आज नेपाली बजारमा सुनचाँदीको मूल्य बढेको छ ।

नेपाल सुनचाँदी व्यवसायी महासंघका अनुसार आइतबार सुन तोलामा ६ सय रुपैयाँ बढेको छ । आज छापावाल सुन प्रतितोला १ लाख १९ हजार २ सय रुपैयाँमा कारोबार भइरहेको छ ।

तेजाबी सुन भने तोलामा १ लाख १८ हजार ६५० रुपैयाँमा कारोबार भइरहेको महासंघले जनाएको छ ।

यस्तै, चाँदीको मूल्य तोलामा २० रुपैयाँले बढेर आज १ हजार ४ सय २० रुपैयाँमा कारोबार भइरहेको महासंघले जनाएको छ ।

काठमाडौं । डेडिकेटेड र ट्रंकलाइन विवादमा विद्युत प्राधिकरणले काटिएका उद्योगको बिजुली शुक्रबार मध्यरातमा जोडिदिएको छ ।

शुक्रबार मध्यरातसम्म सबै उद्योगमा लाइन जोडिएको नेपाल विद्युत प्राधिकरणले जनाएकाे हाे ।

डेडिकेटेड र ट्रंकलाइन प्रयोग गरि चलाएको बिजुलीका प्रिमियम बक्यौता नतिरेको भन्दै प्राधिकरणले गत पुस ९ गतेबाट उद्योगमा लाइन काट्न सुरु गरेको थियो ।

मंगलबार बसेको मन्त्रिपरिषद्को बैठकले प्राधिकरण र उद्योगीहरूबीचको महसुल बक्यौताको विवाद समाधानका लागि जाँचबुझ समिति गठन गरेको थियो ।

बैठकले उद्योगमा लाइन जोड्ने निर्णय पनि गरेको थियो ।

प्राधिकरणको रेकर्डअनुसार उद्योगहरूबाट २०७२ माघअघिको ९७ करोड रूपैयाँ प्रिमियम महसुल लिन बाँकी छ ।

२०७२ माघदेखि २०७५ वैशाखसम्मको ६ अर्ब रूपैयाँ र त्यसयताको ८ अर्ब रूपैयाँ प्रिमियम शुल्क लिन बाँकी छ ।

यसबाहेक २५ प्रतिशत जरिवाना र १५ प्रतिशत ब्याजसमेत गर्दा अहिले ६१ वटा उद्योगले २२ अर्ब २४ करोड रूपैयाँ भुक्तानी दिन बाँकी रहेको प्राधिकरणले जनाएको छ ।

काठमाडौं । सेयर बजार कारोबार बढेको छ । मंगलबार नेप्से परिसूचक २०.६२ विन्दुले बढेर २०८०.१२ अंकमा आएको छ । ६ अर्ब ११ करोड रुपैयाँ ८३ लाखको सेयर कारोबार भएको छ ।

१३ मध्ये १० समूहका सूचक बढेका छन् । जलविद्युत, उत्पादनमूलक र म्युचुअल फण्डबाहेकका समूहले उपसूचक बढाएका हुन् । विकास बैंक उपसमूह सर्वाधिक ५.२१ अंकले बढेको छ ।
मंगलबार ३०९ कम्पनीको १ करोड ७९ लाख ४९ हजार ५६२ कित्ता सेयर कारोबार भएको नेपाल स्टक एक्सचेन्जले जनाएको छ ।

कारोबारका आधारमा आज पनि सोनापुर मिनरल्स सबैभन्दा अगाडि रह्यो । उक्त कम्पनीको २१ करोड ४९ लाख ४५ हजार रुपैयाँको सेयर कारोबार भएको छ । दोस्रोमा रहेको निफ्राको १९ करोड ७३ लाख र तेस्रोमा सोल्टी होटल लिमिटेडको १७ करोड ५३ लाख रुपैयाँको सेयर कारोबार भएको छ ।

कारोबार रकम बढ्दा नेप्से परिसूचक पनि उकालो लागेको हो । बढेको बजारमा १६५ कम्पनीका सेयर लगानीकर्ताले कमाएका छन् । कर्णाली र सिन्धु विकास बैंकसँगै ११ कम्पनीको सेयर मूल्य सर्किट लागेर बढेको छ ।

काठमाडौं । डेडिकेटेड र ट्रंक लाइनको महसुल विवादबारे छानबिन गर्न सर्वोच्च अदालतका पूर्वन्यायाधीशको नेतृत्वमा तीन सदस्यीय आयोग गठन गरेको छ । मन्त्रिपरिषद्को बैठकले तीन सदस्यीय आयाेग गठन गरेकाे हाे ।

६१ उद्योगीले लोडसेडिङका बेला लिएको डेडिकेटेड र ट्रंक लाइन विद्युत् सुविधाको महसुल नतिर्दा नेपाल विद्युत् प्रधीकरणले पछिल्लो दुई सातामा २४ उद्योगका लाइन काटिदिएको थियो ।

मन्त्रिपरिषद्को मंगलबार बसेको बैठकले पूर्वन्यायाधीश गिरिशचन्द्र लाल संयोजक रहेको छानबिन समिति गठन गरेको हो । समितिमा ऊर्जा मन्त्रालयका सहसचिव र उद्योग मन्त्रालयका सहसचिव सदस्य रहने निर्णय भएको छ ।

मन्त्रिपरिषद्ले लाइन काटिएका उद्योगमा तत्काल लाइन जोड्न प्राधिकरणलाई भनेको पनि बैठकमा सहभागी एक मन्त्रीले बताए ।

काठमाडौं । साताको तेस्रो कारोबार दिन आज नेपाली बजारमा सुनको मूल्यमा गिरावट आएको छ ।

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला १ लाख १८ हजार ६ सय रुपैयाँ र तेजाबी सुन प्रतितोला १ लाख १८ हजार ५० रूपैयाँमा कारोबार भइरहेको छ ।

सोमबार छापावाल सुन प्रतितोला १ लाख १८ हजार ८ सय रुपैयाँ र तेजाबी सुन प्रतितोला १ लाख १८ हजार २ सय ५० रूपैयाँमा कारोबार भएको थियो । मंगलबार तेजाबी र छापावाला सुन प्रतितोला दुई सय रुपैयाँले घटेको छ ।

यस्तैगरी, चाँदीको मूल्य आज स्थिर छ । सोमबार प्रतितोला १ हजार ४ सय १५ रुपैयाँमा कारोबार भएको चाँदी मंगलबार पनि सोहि मूल्य कायम छ ।

काठमाडौं । हिमालयन रिइन्स्योरेन्स कम्पनीको शेयर आजबाट कारोबारमा आउँदै छ ।

आइतबार नेपाल स्टक एक्सचेन्ज (नेप्से)मा सूचीकृत भएको हिमालयन रिइन्स्योरेन्स कम्पनी आजदेखि कारोबारमा आउन लागेको हो । यससँगै कम्पनीको आईपिओ पनि आजबाट सञ्चालनमा आउन लागेको छ ।

कम्पनीको पहिलो कारोबार प्रतिकित्ता १०३ रुपैयाँ १० पैसादेखि ३०९ रुपैयाँ २० पैसाको बीचमा हुनेछ । सो मूल्य रेञ्जमा रहेर जुनसुकै मूल्यमा पहिलो कारोबार हुन सक्नेछ । पहिलो कारोबार भएको मूल्यपछि दैनिक १० प्रतिशत घट्न वा बढ्न सक्नेछ ।

अधिकतम मूल्यमा कारोबार भएर १० प्रतिशत बढ्न गएमा सोमबार प्रतिकित्ता मूल्य ३४० रुपैयाँसम्म पुग्न सक्नेछ । प्रिमियमसहित कम्पनीको आईपीओ प्रतिकित्ता २०६ रुपैयाँमा खुलेको थियो ।

हिमालयन रिइन्स्योरेन्सले गत मंसिर २७ गतेदेखि पुस २ गतेसम्म आइपीओ बिक्री खुला गरेको थियो । आइपीओ बाँडफाँड भने धितोपत्र बिक्री प्रबन्धक एनएमबि क्यापिटलले पुस ११ गते गरिएको थियो ।

काठमाडौं । साताको दोस्रो कारोबार दिन आज नेपाली बजारमा सुनको मूल्यमा सात सय रुपैयाँले गिरावट आएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १८ हजार ८ सय रुपैयाँ र तेजाबी सुन प्रतितोला १ लाख १८ हजार २ सय ५० रूपैयाँमा कारोबार भइरहेको छ ।

आइतबार छापावाल सुन प्रतितोला १ लाख १९ हजार ५ सय रूपैयाँ र तेजाबी सुन प्रतितोला १ लाख १८ हजार ९ सय ५० रूपैयाँमा कारोबार भएको थियो ।

यस्तैगरी, चाँदीको मूल्यमा पाँच रुपैयाँ घटेर सोमबार चाँदी प्रतितोला १ हजार ४ सय १५ रुपैयाँ कायम छ ।