काठमाडाैं । आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो अन्तिम खेलमा नेपालले चाैथाे सफलता हात पारेको छ ।
दीपेन्द्र सिंह ऐरीको बलमा ठूलो शट खेल्ने चक्करमा यूएईका आयन खान लङ अनतर्फ बाउन्ड्रिमा क्याचआउट भए ।
गुल्सन झाले क्याच लिएका हुन् । यसअघि युएईका पूर्वकप्तान रिजवान रनआउट भएका थिए भने सन्दीप लामिछाने र ललितनारायण राजबंशीले एक-एक विकेट लिएका थिए ।
काठमाडाैं । आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो अन्तिम खेलमा नेपालले तेस्रो सफलता हात पारेको छ ।
तेस्राे विकेटका रुपमा दीपेन्द्रसिंह ऐरीको बलमा सीपी रिजवान रनआउट भएका हुन् ।
उनलाई मिडविकेटको क्षेत्रबाट भीम सार्कीले आउट गरे । युएईका पूर्वकप्तान रिजवानले ७ रन बनाएका थिए ।
यसअघि सन्दीप लामिछाने र ललितनारायण राजबंशीले एक-एक विकेट लिएका थिए ।
काठमाडाैं । सन्दीप लामिछानेले यूएईका कप्तान मोहम्मद वासिमलाई एलबीडब्लू आउट गरेका छन् ।
आउट हुनुअघि वसिमले केवल ४९ बलमा ६३ रन बनाए ।
वसिमको महत्वपूर्ण विकेटपछि नेपाल खेलमा फर्किएको छ । यसअघि महंगा बनिरहेका सन्दीपले पनि आफ्नो लयमा फर्किएका छन् ।
काठमाडौं । विश्वकप लिग २ अन्तरगतको अन्तिम खेलमा यूएईका कप्तान मुहम्मद वसिमले नेपालविरुद्ध अर्धसतक पूरा गरेका छन् ।
आक्रामक अन्दाजमा खेलिरहेका उनले ४३ बलमा २ चौका र ५ छौकासहित अर्धसतक बनाएका हुन् ।
टस जितेर पहिले ब्याटिङ रोजेको यूएईले नेपालमाथि घातक आक्रमण गरिरहेको छ । अघिल्लो खेलमा पीएनजीविरुद्ध विष्फोटक शतक बनाएका वसिम आज पनि उही अन्दाजमा देखिएका छन् ।
काठमाडौं । प्रधानमन्त्री पुष्पकमल दाहाल प्रचण्ड नेपाल र यूएई बीचको खेल हेर्न कीर्तिपुरस्थित त्रिवि अन्तर्राष्ट्रिय क्रिकेट मैदानमा पुगेका छन् ।
नेपाली क्रिकेटरलाई हौसला बढाउन प्रधानमन्त्री प्रचण्ड कीर्तिपुरस्थित क्रिकेट मैदानमा पुगेका हुन् ।
पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीले पनि आईसीसी विश्वकप लिग टुको अन्तिम खेलमा यूएईविरुद्ध उत्रिएको नेपाली टोलीलाई जितको शुभकामना दिएका छन् ।
काठमाडौं । यूएईविरुद्धको खेलमा नेपालले पहिलो सफलता पाएको छ ।
स्पिनर ललित राजवंशीले आफ्नो दोस्रो ओभरमा यूएईका आपनर आर्यन लाक्रालाई बोल्ड गरेका हुन् ।
आईसिसी विश्वकप लिग-२ त्रिकोणात्मक ओडिआई सिरिज अन्तर्गत अन्तिम खेलमा नेपाल र युएई खेलिरहेका छन् ।
कीर्तिपुरस्थित त्रिवि क्रिकेट मैदानमा टस जितेर युएईले पहिले ब्याटिङ गरिरहेको छ ।
काठमाडौं । विश्वकप लिग २ अन्तरगतको म्याचमा नेपालले पपुवा न्यूगिनी (पिएनजी)विरुद्ध सहज जित हासिल गरेको छ ।
पिएनजीले दिएको ९६ रनको झिनो लक्ष्य नेपालले ७.४ ओभरमा १ विकेटको क्षतिमा भेट्टाएकाे हाे ।
ओपनर कुशल भुर्तेल र आशिफ शेखले आक्रामक सुरुवात गरेका थिए । उनीहरुले ५१ रनको साझेदारी गरे ।
कुशल भुर्तेल ३३ रन बनाउँदा एलबीडब्लु धरापमा परे । कुशलले १४ बलमा ४ चौका र २ छक्का प्रहार गरे ।
आशिफ शेख ५३ र कुशल मल्ल १२ रनमा नटआउट रहे ।
त्यसअघि कीर्तिपुरस्थित त्रिवि क्रिकेट मैदानमा घरेलु टोलीले टस जितेर फिल्डिङ रोजेपछि ब्याटिङ गरेको पिएनजी ९५ रन बनाएर अलआउट भएकाे थियाे ।
पीएनजीलाई कम स्कोरमा नेपालका सन्दीप लामिछाने एक्लैले ५ विकेट लिए ।
ललित राजवंशीले र कुशल मल्लले २–२ विकेट झारे । सोमपाल कामीको नाममा एक विकेट रह्यो ।
काठमाडौं । स्पिनर सन्दीप लामिछानेले ५ विकेट लिएपछि पपुवा न्यूगिनी ९५ रनमा नै अलआउट भएको छ ।
आईसीसी विश्वकप लिग २ अन्तर्गत त्रिदेशीय एकदिवसीय शृंखलामा पपुवा न्यूगिनी (पीएनजी) लाई ३२ ओभरको समाप्तिमा अलआउट गरी नेपालले ९६ रनको सामान्य लक्ष्य पाएको हो ।
पीएनजीलाई कम स्कोरमा नेपालका सन्दीप लामिछाने एक्लैले ५ विकेट लिए ।
यसैगरी, ललित राजवंशीले २ विकेट झारे । कुशल मल्लले २ विकेट झारे । सोमपाल कामीको नाममा एक विकेट रह्यो ।
काठमाडौं । नेपालले आईसीसी विश्वकप लिग २ अन्तर्गत जारी त्रिदेशीय एक दिवसीय शृङ्खलामा यूएईलाई २ सय ४९ रनको लक्ष्य दिएको छ ।
टियु क्रिकेट मैदानमा टस जितेर पहिला ब्याटिङ रोजेको नेपाल ४९.२ ओभरमा २ सय ४८ रनमा अल आउट भयो ।
खराब सुरुवात गरेकाे नेपालले पावर प्लेमा तीन विकेट गुमाएकाे थियाे ।
चौथो नम्बरमा क्रिजमा आएका कप्तान रोहित पौडेलले आरिफ शेखसँग छैटौँ विकेटका लागि ८६ रनको साझेदारी गरी सर्वाधिक ७७ रन बनाएर नेपालको योगफल मजबुत बनाएका थिए ।
रोहितले १ सय १२ बल खेल्दै ९ चौका प्रहार गरे ।
चौथो विकेटका लागि भीम र रोहितले ५४ रनको साझेदारी गरी इनिङ अघि बढाएका थिए । भीम सार्की ३७ बलमा ४ चौकासहित २९ रनमा क्याच आउट भए ।
आरिफ शेख ५२ बलमा ५ चौकासहित ४३ रनमा क्याच आउट भएका थिए ।
काठमाडौं । आईसीसी विश्वकप क्रिकेट लिग २ अन्तर्गत त्रिदेशीय एक दिवसीय शृङ्खलाको पहिलो खेलमा नेपालले पपुवा न्यूगिनी (पीएनजी) लाई २ सय ९८ रनको विशाल लक्ष्य दिएको छ ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ थालेको नेपालले ५ बल बाँकी रहँदा अलआउट भएर २ सय ९७ रनको योगफल तयार पारेकाे हाे ।
जुन नेपालले एक दिवसीय क्रिकेटमा हालसम्म बनाएको सबैभन्दा ठूलो योगफल हो ।
यसअघि, अघिल्लो महिना त्रिवि मैदानमै नामिबियाले दिएको २ सय ८५ रनको लक्ष्य चेज गर्ने क्रममा नेपालले २ सय ८७ रन बनाएको थियो ।
नेपालका लागि ओपनर आसिफ शेखले सर्वाधिक १ सय १० रनको शतकीय इनिङ खेले ।
उनले पहिलो विकेटका लागि कुशल भुर्तेलसँग १ सय १० रनको साझेदारी गर्दै १ सय १० बलमा १२ चौका र २ छक्का प्रहार गरे ।
आसिफ ओडीआईमा नेपालका लागि सर्वाधिक रन बनाउने र हजार रन पूरा गर्ने दोस्रो खेलाडी बनेका छन् ।