काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवा प्रतिनिधिसभा सदस्यमा निर्वाचित भएका छन् ।
देउवा २५ हजार ५३४ मतका साथ निर्वाचित भएका हुन् । देउवा डडेलधुराबाट लगातार सातौं पटक सांसद चुनिएका हुन् ।
उनका निकटतम प्रतिद्वन्द्वी सागर ढकालले १३ हजार ४२ मत पाएका छन् ।
एमाले र बीपी कांग्रेसका साझा उम्मेदवार कर्ण मल्ल भने तेस्रो स्थानमा रहे उनले ७ हजार ५३५ मत पाएका छन् ।
काठमाडौं । काठमाडौं क्षेत्र नं १० मा प्रतिनिधिसभा सदस्यमा नेपाली कांग्रेसका उम्मेदवार राजेन्द्रकुमार केसी विजयी भएका छन् ।
उनले १४ हजार ४५८ मतका साथ विजय हासिल गरेका हुन् । उनका निकटतम प्रतिसप्रर्स्धी एमाले उम्मेदवार हिमेश केसीले ११ हजार ७८० मत पाएका छन् ।
काठमाडौं १० बाट केसीको लगातार तेस्रो पटक जित हो ।
सप्तरी । जनता समाजवादी पार्टी नेपालकाका अध्यक्ष उपेन्द्र यादव पछि परेपछि सप्तरी २ मा उनका कार्यकर्ताले मतगणना अवरुद्ध गरेका छन् ।
जसपाका प्रतिनिधिले मतपेटिकामा भएको सिल भेरिफिकेसन नभएसम्मका लागि मतगणना रोकि पाउँ भन्दै मुख्य निर्वाचन अधिकृतको कार्यालयमा निवेदन दिएका छन् ।
पछिल्लो पटक सार्वजनिक भएको विवरण अनुसार सप्तरी २ मा जनमत पार्टीका अध्यक्ष सीके राउतले २२ हजार २६० मत ल्याएका छन् ।
राउतभन्दा पछि परेका यादवको भने ११ हजार ३ सय २३ मत छ ।
तेस्रो स्थानमा रहेका जयप्रकाश ठाकुरले ४ हजार ५६५ मत पाएका छन् ।
काठमाडौं । काठमाडौं–५ मा नेपाली कांग्रेसका प्रदीप पौडेलको जित निश्चित भएको छ ।
एमालेका वरिष्ठ उपाध्यक्ष ईश्वर पोखरेललाई पराजित गर्दै उनले पहिलो पटक संसद्को यात्रा तय गरेका हुन् ।
अब याे क्षेत्रमा करिब साढे ३ हजार मत गन्न बाँकी छ । अहिलेसम्मको गणनामा पौडेलले १४ हजार ८३ मतका साथ अग्रता लिइरहेका छन् ।
पोखरेलको ९ हजार ५ सय ४ मत छ । उनीहरुबीको अन्तर ४ हजार ५ सय ७९ पुगेको छ ।
गन्न बाँकी मतभन्दा मतान्तर बढी भएका प्रदीप अनौपचारिक रूपमा विजयी भएका हुन् ।
पोखरा । कास्की २ मा एमालेकी विद्या भट्टराईले पहिलोपटक अग्रता लिएकी छन् ।
पछिल्लो मत परिणामअनुसार विद्याले पाँच हजार ५८९ मत पाएकी छन् ।
यस्तै, सोमबारदेखि अग्रता लिइरहेका राष्ट्रिय स्वतन्त्र पार्टीका माधव कँडेलले भने हाल पाँच हजार १९३ मत ल्याउँदै पछि परेका छन् ।
त्यस्तै, नेकपा एसका तर्फबाट गठबन्धनका उम्मेदवार श्रीनाथ बरालले तीन हजार ३६७ मत प्राप्त गरेका छन् ।
डडेल्धुरा । डडेल्धुराबाट प्रतिनिधि सभा सदस्यका लागि स्वतन्त्र उम्मेदवारी दिएका सागर ढकाल दोस्रो स्थानमा छन् ।
नेपाली कांग्रेसका सभापति एंव प्रधानमन्त्री शेरबहादुर देउवाले २०४८ सालदेखि चुनाव जितिरहेकाे क्षेत्रमा ढकालले जारी मतगणनामा अहिलेसम्म देउवाले पाएको मतभन्दा आधा मत पाइरहेका छन् ।
पछिल्लो समय देउवाले ११ हजार ५५४ मतसहित अग्रता कायम राखेका छन् । ढकालले ६१०५ मत पाएका छन्।
काठमाडाैं । प्रतिनिधि सभामा समानुपातिकतर्फ जारी मतगणना नेकपा एमालेले १ लाख मत कटाएको छ ।
अहिलेसम्म गणनाभएको ३ लाख ५० हजार सदर मतमध्ये पहिलो स्थानमा रहेको एमालेले १०१६६५ मत पाएको छ ।
दोस्रो स्थानमा रहेको नेपाली कांग्रेसले ८७२२५ मत पाएको छ । तेस्रो स्थानमा घन्टी चुनाव चिन्ह भएको राष्ट्रिय स्वतन्त्र पार्टीले ४६३५२ मत पाएको छ ।
चौथो स्थानमा रहेको माओवादी केन्द्रले ३८२८८ मत पाएको छ । राष्ट्रिय प्रजातन्त्र पार्टीले २५९९८ मत पाएको छ ।
अरू दलहरूले १० हजार मत कटाउन सकेका छैनन् । जसपाले ८१३४, जनमत पार्टीले ७४६२ मत पाएका छन् ।
नागरिक उन्मुक्ति पार्टीले ७४६२, नेपाल मजदुर किसान पार्टीले ५४३४, नेपाल कम्युनिष्ट पार्टी (एकीकृत समाजवादी) ५०८३ ले मत पाएका छन् ।
अन्य दलहरूले पाएको मत १९४३० छ ।
काठमाडौं । इलाम क्षेत्र नम्बर २ मा नेपाली कांग्रेसका डम्बरबहादुर खड्काले नेकपा एमालेका सुवास नेम्बाङलाई पछाडि पारेका छन् ।
उक्त क्षेत्रमा नेम्बाङ र खड्काबीच तीव्र प्रतिस्पर्धा देखिएको छ ।
पछिल्लो मत परिणाम अनुसार खड्काले ३ हजार ७५६ मत ल्याउँदै फेरि अग्रता बनाएका छन् । यसअघि नेम्बाङ अगाडि थिए । उनले ३ हजार ४५५ मत पाएका छन् ।
राष्ट्रिय जनमुक्ति पार्टीका खड्गप्रसाद पालुङ्वाले ७९१ मत पाएका छन् । इलाम-२ मा २०७४ सालको प्रतिनिधिसभा निर्वाचनमा सुवास नेम्बाङ विजयी भएका थिए ।
ललितपुर । ललितपुर ३ मा ताेसिमा कार्कीले अग्रता कायमै राखेकी छन् । राष्ट्रिय स्वतन्त्र पार्टीबाट उम्मेदवार बनेकी कार्कीले ९,४०३ मत प्राप्त गरेकी छन् ।
उनलाई नेकपा एमालेका अमृत खड्काले पछ्याइरहेका छन् । उनकाे ६,६४३ मत छ ।
यसैगरी, गठबन्धनकाे तर्फबाट उम्मेदवार बनेकी नेकपा माओवादी केन्द्रकी पम्फा भुसालले ३,७५० मत ल्याएकी छन् ।
तनहुँ । तनहुँ क्षेत्र नम्बर १ मा नेपाली कांग्रेसका उम्मेदवार रामचन्द्र पौडेल पछि परेका छन् ।
उनलाई नेकपा एमालेका उम्मेदवार एकबहादुर रानाले १३२ मत अन्तरले पछि पारेका हुन् ।
९ हजार ७५६ मत गणना हुँदा रानाले ३ हजार ३४२ र कांग्रेस नेता पौडेलले ३ हजार २१० मत पाएका छन् ।
राष्ट्रिय स्वतन्त्र पार्टीका विकास सिग्देलले १ हजार २९० र राप्रपाका विनोद कुमार घर्तीले हलो ५२२ मत पाएका छन् ।