काठमाडाैं । मुक्ताकुमारी यादवले नेपाली कांग्रेसको १४ औँ महाधिवेशनमा सर्वाधिक मत पाएकी छन् ।
हालसम्मको मतगणनामा धनुषाकी यादवले मधेशी महिलातर्फ केन्द्रीय सदस्यमा खसेको ४६७१ मतमध्ये ३९६० मत प्राप्त गरेकी हुन् ।
धनुषा क्षेत्र नम्बर २ स्थित शहीदनगर-१ बालाबाखर निवासी ४४ वर्षीया यादव संविधानसभा सदस्य एवं राष्ट्रियसभा सदस्यको २ वर्षे कार्यकाल पूरा गरेकी निवर्तमान सदस्य हुन् ।
यसअघि खुला केन्द्रीय सदस्यतर्फ शशांक कोइरालाले ३ हजार ८३६ मत प्राप्त गरेका थिए । मुक्ताले शशांकभन्दा १२४ मत बढी ल्याएर विजयी भएकी छिन् ।
मधेसी महिलातर्फ समूहगत उम्मेदवारको नामावलीमा सभापति शेरबहादुर देउवा, डा. शेखर कोइराला र उपसभापति विमलेन्द्र निधि गरेर तीनवटै प्यानलमा उनको नाम समावेश थियो ।