काठमाडौं । काठमाडौं-८ मा राष्ट्रिय स्वतन्त्र पार्टीका विराजभक्त श्रेष्ठले अग्रता लिएका छन् ।
१६५०० मत गन्दा श्रेष्ठले अग्रता लिएका हुन् । उनलाई हाम्रो नेपाली पार्टी (लौरो अभियान) का सुमन सायमीले पछ्याइरहेका छन् ।
श्रेष्ठले ५२८६ मत ल्याउँदा सायमीले ४२५४ मत पाएका छन् ।
नेकपा एमालेका शिवसुन्दर राजवैद्यले २११० मत पाएका छन् भने नेकपा एकीकृत समाजवादीका जीवनराम श्रेष्ठले २०९० र राप्रपाका प्रकाश रिमालले १३८२ मत पाएका छन् ।
ललितपुर । ललितपुर क्षेत्र नम्बर ३ मा राष्ट्रिय स्वतन्त्र पार्टीकी उम्मेदवार तोसिमा कार्कीले फराकिलो मतान्तरले अघि बढेकी छिन् ।
उनले ३ हजार ८९६ मत पाएकी छिन् । एमालेका उम्मेदवार अमृत खड्काले २ हजार ९ सय ५९ मत पाएका छन् ।
यसैगरी, माओवादी केन्द्रकी उम्मेदवार पम्फा भुसालले १ हजार ७९६ मत पाएकी छिन् ।
चितवन । चितवन क्षेत्र नं २ मा नेकपा एमालेका उम्मेदवार कृष्णभक्त पोखरेल २३३१ मत ल्याई अग्रस्थानमा छन् ।
निकटतम प्रतिद्वन्द्वी राष्ट्रिय स्वतन्त्र पार्टीका उम्मेदवार रवि लामिछाने २२२७ मतका साथ दोस्रो स्थानमा छन् ।
मतगणनाको सुरुवाती चरणमा तेस्रो स्थानमा रहेका लामिछाने मंगलबार बिहानबाट दोस्रो स्थानमा उक्लिएका छन् ।
नेपाली कांग्रेसका उम्मेदवार उमेश श्रेष्ठलाई पछि पारेका लामिछानेले पोखरेलसँगको मतान्तर पनि जम्मा १०४ को पुर्याएका छन् । श्रेष्ठले २०३६ मत पाएका छन् ।
ललितपुर । ललितपुर क्षेत्र नम्बर ३ मा राष्ट्रिय स्वतन्त्र पार्टीकी तोसिमा कार्कीले पहिलो पटक अग्रता लिएकी छन् ।
कार्कीले १ हजार ४८२ मत ल्याएर अग्रता बनाएकी हुन् ।
४ हजार ९०५ मत गन्दा दोस्रोमा नेकपा एमालेका अमृत खड्काले १ हजार ४४८ तथा नेकपा माओवादी केन्द्रकी पम्फा भुसालले ९८८ मत ल्याएकी हुन् ।
चितवन । चितवन क्षेत्र नम्बर २ मा मतगणना सुरु भएको छ ।
यहाँ अहिलेसम्म १०० मत गनिसक्दा नेकपा एमालेका कृष्णभक्त पोखरेलले अग्रता बनाएका छन् ।
उनले ५३ मत ल्याउँदै पहिलो नम्बरमा रहँदा दोस्रो नम्बरमा सत्ता गठबन्धनबाट नेपाली कांग्रेसका उमेश श्रेष्ठ छन् । उनले ३३ मत ल्याएका छन् ।
राष्ट्रिय स्वतन्त्र पार्टीका रवि लामिछानेले ५ मत ल्याएका छन् । राष्ट्रिय स्वतन्त्र पार्टीका सभापति रवि लामिछाने उठेका कारण यो क्षेत्र चर्चामा छ ।
यहाँ चुनावी प्रचारका क्रममा नारायणी किनारमा रविले ठूलो सभा गरेका थिए ।
काठमाडौं । काठमाडौं क्षेत्र नम्बर २ मा १०० मत गणना हुँदा माओवादी केन्द्रकी ओनसरी घर्ती र राष्ट्रिय स्वतन्त्र पार्टी सोविता गौतमले बराबरी २४ मत पाएका छन् ।
यस्तै, एमालेका मणिराम फयाँलले १९ मत पाउँदा राप्रपाकी कुन्ती पोखरेलले जम्मा १२ मत पाएकी छन् ।
केहीबेर अघिमात्र काठमाडौं २ मा मतगणना सुरु भएको हो ।
झापा । झापा निर्वाचन क्षेत्र नम्बर ४ मा स्वतन्त्र पार्टीका शम्भू ढकाल ‘सुस्केरा’ले सुरुवाती अग्रता लिएका छन् ।
घण्टी चिह्नबाट चुनाव लडेका ढकालले १४३ मत पाएका छन् । उनका निकटतम प्रतिद्वन्द्वी नेकपा एमालेका लालप्रसाद साँवाले ८४ मत पाएका छन् ।
यस्तै, नेपाली कांग्रेसका देउकुमार थेवेले ४६ मत पाएका छन् । याे परिणाम ३ सय मत गणना गर्दाको हो ।
काठमाडौं । काठमाडौं क्षेत्र नम्बर ८ मा पनि राष्ट्रिय स्वतन्त्र पार्टीले अग्रता बनाइरहेको छ। घण्टी चुनाव चिह्न लिएका विराजभक्त श्रेष्ठले ६०७ मतसहित अग्रता बनाइरहेका छन् ।
त्यहाँ लौरो चुनाव चिह्नका सुमन सायमीले ५९१ मत ल्याएका छन् । यो क्षेत्रमा नेकपा एमालेका शिवसुन्दर राजवैद्य ३०५ मतसहित तेस्रो स्थानमा छन् ।
बहालवाला पर्यटनमन्त्री एवम् नेकपा एकीकृत समाजवादी पार्टीका उम्मेदवार जीवनराम श्रेष्ठ २१३ मतसहित चौथो स्थानमा छन् ।
राष्ट्रिय प्रजातन्त्र पार्टीका प्रकाश रिमाल २०३ मतसहित पाँचौँ स्थानमा छन् ।
ललितपुर । ललितपुर क्षेत्र नम्बर ३ मा नेकपा एमालेका उम्मेदवारले अग्रता कायमै बनाएका छन् ।
एमालेका उम्मेदवार अमृत खड्काले ७८४ मत पाएका छन् ।
यस्तै, माओवादी केन्द्रकी पम्फा भुसालले ६९४ मत पाउँदा राष्ट्रिय स्वतन्त्र पार्टीकी तोसिमा कार्कीले ६७४ मत पाउँदै तेस्रो स्थानमा छिन् ।
यस्तै, ७० मत बदर भएको छ ।
काठमाडौं । काठमाडौं निर्वाचन क्षेत्र नं ७ को स्वतन्त्र पार्टीले अग्रता कायम गरेको छ ।
काठमाडौं महानगरपालिका वडा नं १६ नयाँबजारस्थित जुडो हलमा जारी मतगणनामा राष्ट्रिय स्वतन्त्र पार्टीका उम्मेदवार गणेश पराजुलीले १७७ मत प्राप्त गरेका छन् ।
यस्तै, दोस्रो स्थानमा रहेका नेकपा एमालेका श्यामकुमार घिमिरेले ९३ मत प्राप्त गर्दा सत्ता गठबन्धनतर्फबाट नेकपा (माओवादी केन्द्र)की मानुषी यमि भट्टराईले ७५ मत प्राप्त गरेकी छन् ।