काठमाडौं । राष्ट्रपतिको उम्मेदवारका सन्दर्भमा एजेन्डा नमिलेका दलहरूले हाउगुजी बनाएको नेकपा एमालेका नेता भीम रावलले टिप्पणी गरेका छन् ।
आज सुर्खेतमा आयोजित पत्रकार भेटघाटमा रावलले राष्ट्रपतिका लागि यत्रो समय बैठक बस्नुले पुरानै गठबन्धन ब्युँतिने अवस्था आएको टिप्पणी गरे ।
व्यक्तिगत स्वार्थ नभएका कम्युनिस्टहरू एक ठाउँमा आउनुपर्ने देशको वर्तमान आवश्यकता भए पनि अहिलेको परिस्थिति ठीक उल्टो भएको रावलको भनाइ छ ।
वर्तमान गठबन्धनको उल्टो नतिजा देखिन सुरु भएको भन्दै रावलले यो धेरै दिन नटिक्ने बताए ।