काठमाडाैं । नेकपा एमाले परित्याग गरी रूपन्देही-१ मा प्रतिनिधि सभा सदस्यका लागि स्वतन्त्र उम्मेदवारी दिएका घनश्याम भुसालले त्रिभुज चुनाव चिन्ह पाएका छन् ।
निर्वाचन अधिकृतको कार्यालयले बुधबार भुसाललगायत स्वतन्त्र उम्मेदवारलाई चुनाव चिन्ह प्रदान गरेको हो ।
एमालेका पूर्वउपमहासचिव तथा नेता भुसालले रूपन्देही-१ बाट प्रतिनिधि सभामा दाबी गरेका थिए ।
उनको सिफारिस भने उनी २०७४ मा विजयी भएको रूपन्देही-३ बाट भएको थियो । अन्तिममा पार्टीले उनलाई कुनै पनि क्षेत्रबाट टिकट दिएन ।
अहिले उनी रूपन्देही-१ बाट स्वतन्त्र उम्मेदवार बनेका छन् । सत्ता गठबन्धनले उक्त क्षेत्रमा कुनै पनि उम्मेदवार नउठाएर भुसाललाई समर्थन गरेको छ । सत्ता गठबन्धनको भागबन्डामा यो क्षेत्र माओवादी केन्द्रले पाएको थियो ।