काठमाडाैं । प्रतिनिधि सभातर्फको जारी मतगणनामा शनिबार साँझसम्म समानुपातिकतर्फ ७५ लाखभन्दा बढी सदर मतको गणना भएको छ ।
एमालेले २०९४७०६ मत पाएको छ भने कांग्रेसले २०२०४०२ मत पाएको छ ।
तेस्रो स्थानमा रहेको नेकपा (माओवादी केन्द्र) ले ८ लाख ९२ हजार ८८५ मत ल्याएको छ ।
चौथो स्थानमा रहेको राष्ट्रिय स्वतन्त्र पार्टीले ८ लाख ५८ हजार १०१ मत पाएको छ ।
पाँचौँ स्थानमा रहेको राष्ट्रिय प्रजातन्त्र पार्टीले ४ लाख ५८ हजार ८४९ मत ल्याएको छ।
छैठौं स्थानमा रहेको जनता समाजवादी पार्टीले २ लाख ४९ हजार ०३७ मत पाएको छ।
नेकपा (एकीकृत समाजवादी) ले भने राष्ट्रिय पार्टी बन्न चाहिने तीन प्रतिशतको थ्रेस होल्ड अहिलेसम्म कटाउन सकेको छैन ।
अहिलेसम्म उसले १ लाख ९४ हजार ७५९ मत मात्र पाएको छ ।