काठमाडाैं । राष्ट्रिय स्वतन्त्र पार्टीका सभापति रवि लामिछानेले समानुपातिक प्रणालीतर्फबाट संघीय सांसद चयनलाई लिएर पार्टीमा हाल जारी विवादलाई गज्जब भएको बताएका छन् ।
बिहीबार काठमाडौंबाट भरतपुर पुगेका उनले विमानस्थलमा पत्रकारहरुलाई प्रतिक्रिया दिँदै यस्तो बताएका हुन् ।
उनले बढी मत आएकालाई छाडेर कम मत पाउनेलाई समानुपातिक सांसद बनाउन लागेको भन्दै बन्दसूचीमा रहेकाले रास्वपा कार्यालयमा गरेको विरोध गज्जब भएको उल्लेख गरे ।
उनले रास्वपाभित्र कसैलाई पक्षपता नहुने पनि बताएका छन् । ‘पार्टीभित्र कोही पनि तलमाथि छैनन्’, उनले भने, ‘मैले नै खबरदारी गर्नुस् भनेको छु, जे भन्छ त्यो मान्नुपर्छ भन्ने छैन, कोही आत्तिनुपर्ने पनि अवस्था पनि छैन ।’
