काठमाडौं । राष्ट्रिय स्वतन्त्र पार्टी (रास्वपा) ले पार्टीका ४ मन्त्रीलाई सघाउने गरि संयोजक चयन गरेको छ ।
शिक्षा, विज्ञान तथा प्रविधि मन्त्रालयमा केन्द्रीय सदस्य गणेश कार्की, श्रम, रोजगार तथा सामाजिक सुरक्षामा सांसद गणेश पराजुली, सांसद असिम शाह युवा तथा खेलकुद र सह प्रवक्ता प्रतिभा रावललाई गृह मन्त्रालयमा समन्वय गर्ने गरी संयोजक तोकिएको छ ।
प्रत्येक समन्वय समितिमा १२ जना हुने महामन्त्री मुकुल ढकालले बताए । सोमबार, मंगलबार, बुधबार र विहीबार बस्ने गरी समय निर्धारण गरिएको छ । प्रत्येक समन्वय समितिको सातामा बैठक बस्ने व्यवस्था गरिएको जानकारी दिए ।
सोमबार युवा तथा खेलकुद मन्त्रालयसँग समन्वय गर्ने समितिको बैठक बस्नेछ । मंगलबार शिक्षा, विज्ञान तथा प्रविधि मन्त्रालयसँग समन्वय गर्ने समितिको बैठक बस्ने कार्यतालिका बनाइएको छ । बुधबार श्रम र विहीबार गृह मन्त्रालयसँग समन्वय गर्ने समितिको बैठक बस्नेछ ।