काठमाडाैं । निलूवा समाज जापानको छैठौँ साधारण सभा तथा अतिथि सम्मान कार्यक्रम सम्पन्न भएको छ ।
बागलुङ जिल्ला गलकोटको सुन्दर निलुवा ‘हाम्रो सान पूर्वाधार विकासमा हामी सबैको अभियान’ भन्ने मान्यताका साथ निलुवा समाज जापानको अतिथि सम्मान कार्यक्रम तथा साधारायण सभा सम्पन्न भएको छ ।
२०१५मा स्थापना भएको मानवीय सेवा गर्ने हेतुले निलुवा समाज जापानले मिति २०२२ डिसेम्बर ३१ मा समाजका अध्यक्षको सभापतित्वमा भएको सम्मान तथा साधाराण सभा कार्यक्रम गरेकाे हाे । कार्यक्रम संस्थाका महासचिव भूमिराज सुवेदी ‘ठिटो’ले कार्यक्रम सञ्चालन गरेका थिए ।
कार्यक्रममा स्वागत मन्तव्य संस्थाका उपाध्यक्ष जी आर शर्माले दिएका थिए ।
मन्तव्य राख्ने क्रममा संस्थाका सल्लाहकार विष्णुप्रसाद सुवेदी, संस्थाका समरक्षक थम क्षेत्री तथा संस्थापक अध्यक्ष तथा संरक्षक भोजिन्द्र सुवेदी ले जन्मभूमि र देशप्रतिको माया ममता र एक असल नागरिक हुनुको नाताले समाजको माध्यमबाट पूरा गरेको दायित्वले आउने पुस्तालाई प्रेरणा, हौसला र समाजमा उपलब्धिमूलक कार्यहरूलाई व्यवस्थित रूपमा योजनाबद्द ढंगले काम गर्नको लागि लाग्नुपर्ने बताए । उनीहरुले संस्थाकाे विकाशका लागि कुनै कसर बाँकी नराखी एक भएर लाग्ने पनि बताए ।
नेपालबाट जापानको भ्रमण शिलसिलामा रहेका टीकाराम सुवेदी र शान्ता सुवेदीलाई सम्मान गरेको र संस्थाले गरेको सम्मानप्रति धन्यवाद ज्ञापन गरेकाे वरिष्ठ उपाध्यक्ष रामु खत्रीले जानकारी दिए ।
कोषाध्यक्ष भूमिराज शर्मा (विष्णु)ले संस्थाको वार्षिक आर्थिक प्रतिवेदन पेस गरेका थिए ।
निलुवा समाज जापानले बाग्लुङ जिल्ला गल्कोट नगरपालिका-४ निलूवामा संस्थाले नील बराह मन्दिर निर्माणको लागि शिलान्यास गरिसकेको र बाँकी निर्माणको काम सबै जना लागेर समयमा नै निर्माण सम्पन्न गर्ने गरि छलफल गरेको महासचिव भूमिराज सुवेदी ‘ठिटो’ले जानकारी दिए ।
संस्थाले निवर्तमान कार्यसमितिका सदस्य तथा सल्लाहकार सदस्यलाई सम्मान र प्रमाणपत्र हस्तान्तरण गरेको छ । साथै, नेपाली टोपी दिवस तथा अङ्ग्रेजी नयाँ वर्ष २०२३ को उपलक्ष्यमा शुभकामना आदान-प्रदान सम्मान तथा साधारण सभामा बाक्लो उपस्थिति रहेको सदस्य राजु सुवेदीले जानकारी दिए ।
