Tag: जापान

जापान । गलकोट समाज जापान क्षेत्रीय समिति टोकियोले नेपाली नारीहरुको पर्व हरितालिका तीजको अवसरमा ‘तीज धमाका २०२२’ आयोजना गर्ने भएको छ ।

समितिले आफ्नो स्थापना कालदेखि नै निरन्तर कार्यक्रम गर्दै आइरहेकाे छ । यही कार्यक्रमलाई यस वर्ष पनि निरन्तरता दिइएकाे अध्यक्ष राजु बस्नेतले जानकारी गराए ।

नेपालका ख्याती प्राप्त राष्ट्रिय तथा स्थानीय कलाकारहरुको प्रस्तुती रहने उक्त कार्यक्रममा टोकियोमा रहेका नेपाली दाजुभाई तथा दिदीबहिनीहरुलाई उपस्थितिको लागि समेत अध्यक्ष बस्नेतले अनुरोध गरेका छन् ।

विगतदेखि नै कार्यक्रम गर्दै आइरहेको कान्तो क्षेत्रीय समितिले कोभिड -१९ को महामारीका कारण २०१९ यता कार्यक्रमलाई निरन्तरता दिन नसके पनि यस पटक भने कार्यक्रमको लागि आवश्यक तयारी थालिएको बताए ।

कार्यक्रमलाई भव्य बनाउनको लागि नेपालबाट आमन्त्रित कलाकारको भिसा प्रक्रिया अन्तिम अवस्थामा रहेको र कार्यक्रम अगस्ट ३० तारिकमा नाकानो जिरो हलमा हुने जानकारी सचिव दिपक सुवेदीले गराए ।

कार्यक्रमलाई भव्य र व्यवस्थित बनाउने, कोरोना महामारीका कारण अपनाउनु पर्ने सम्पूर्ण सावधानीप्रति आफूहरू सचेत रहेको र स्वास्थ्य मापदण्ड अपनाएर कार्यक्रम गरिने सचिव सुवेदीले बताए ।

विगतका क्रार्यक्रमहरुमा हलको क्षमताभन्दा बढी दर्शकको उपस्थिति रहेको स्मरण गर्दै यसपटक भने आवश्यकता भन्दा निकै बढी सिट क्षमता भएको हलको व्यवस्थापन गरिएकाे  संस्थाका उपाध्यक्ष दिनेश थापाले जानकारी गराए । उनले टोकियोबासी नेपाली दाजुभाई दिदीबहिनीहरुले यसपटक पनि कार्यक्रमलाई भव्य रुपमा सफल पार्नु हुनेमा कान्तो समिति पूर्ण रूपमा विश्वस्त रहेको पनि बताए ।

जापान । गलकोट समाज जापानको क्षेत्रीय समिति कान्तोको छैठौँ अधिवेशन सम्पन्न भएकाे छ । अधिवेशनले आगामी कार्यकाल २०२२-२०२४ को लागि कान्तोमा राजु बस्नेतलाई अध्यक्षमा निर्विरोध निर्वाचित गरेकाे छ ।

‘हाम्रो गाउँ-हाम्रो ठाउँ, हातेमालो गरि समृद्ध बनाऔँ’ भन्ने मान्यताकासाथ जापानमा क्रियाशील गलकोट समाज जापान अन्तरगतको क्षेत्रीय समिति कान्तोको छैठौँ अधिवेशन मंगलबार जापानको टोकियोस्थित शिन ओकुबोमा सम्पन्न भएकाे हाे ।

अधिवेशनबाट उपाध्यक्षमा दिनेश थापा, प्रकाश निउरे(मित्र), इश्वर बस्नेत र गगन खत्री (झकास)लेखा संयोजकमा हिमाल कंडेल, सचिवमा दिपक सुबेदी(विप्लव) सह सचिवमा गोविन्द केसी र पवन बोहोरा, कोषाध्यक्षमा गोमा बुढाथोकी, सह कोषाध्यक्षमा सुरज केसी र गोविन्द खड्का निर्विरोध निर्वाचित भएका छन् ।

त्यसैगरी, सदस्यहरुमा सुनिल भण्डारी, राजु सुवेदी, चतुर्भुज सापकोटा र जगन्नाथ खरेल निर्वाचित भएको निर्वाचन समितिका संयोजक रत्नसिंह बस्नेतले बताए ।

कान्तो क्षेत्रीय समितिको अधिवेशनको उद्गघाटन सत्रमा प्रमुख अतिथिको रूपमा रहेका समाजका संरक्षक दिलु खत्रीले संस्थालाई आर्थिक रूपमा पारदर्शी रूपमा संचालन गर्नका लागि आग्रह गरेका थिए ।

अधिवेशन मा टोकियो वरिपरी रहेका गलकोटेको बाक्लो उपस्थिति रहेको थियो । कार्यक्रममा शुभकामना व्यक्त गर्दै बोल्ने अधिकांश वक्ताहरूले समाजले जापानमा रहेका नेपाली समुदायमा अग्रणी भूमिका निर्वाह गर्दै आएकोमा खुशी व्यक्त गरे । उनीहरुले समाजको उक्त छविलाई क़ायम राख्नका लागि संस्थागत रूपमा संचालित गरिनुपर्नेमा जोड दिएका थिए ।

यसरी बोल्नेहरूमा समाजका महासचिव नवीन निउरे सचिव लक्ष्मण कार्की, कोषाध्यक्ष डिलाराम गैरे, केन्द्रिय सदस्य खगराज गौतम, जीवन गैरे, सल्लाहकार रामकृष्ण बम मल्ल, विजय भण्डारी, बाबुराम सापकोटा, निम खड्का लगायत रहेका थिए ।

अधिवेशनमा समितिको वार्षिक प्रगति प्रतिवेदन सचिव दिनेश थापाले र आर्थिक प्रतिवेदन कोषाध्यक्ष इश्वर बस्नेतले प्रस्तुत गरेका थिए । उद्घाटन सत्रको कार्यक्रमको अध्यक्षता रमेश खत्री, सञ्चालन दिनेश थापा र स्वागत दुर्गाबहादुर खत्रीले गरेका गरेका थिए भने घोषणा सभाको कार्यक्रम निर्वाचन समितिका सदस्य महेन्द्र साहनीले सञ्चालन गरेका थिए ।

टोकियो । जापानी सहरका बासिन्दाहरूलाई हप्तासम्म आतंकित गर्ने बाँदरहरूको गिरोहमध्येको एउटालाई पक्राउ गरी मारिएको अधिकारीहरूले बताएका छन् ।

उक्त भाले बाँदरलाई मंगलबार साँझ उच्च विद्यालयको मैदानमा विशेष कमिसनका शिकारीले फेला पारेका थिए । सुरुमा यसलाई बेहोस पारिएको थियो । त्यसपछि उक्त बाँदरलाई मारिएको थियो । मकाकले झण्डै ५० जनालाई घाइते बनाएका छन् ।

करिब ३ साताअघि वयस्क र बालबालिकामाथि आक्रमण सुरु भएदेखि अधिकारीहरूले बाँदरको शिकार गरिरहेका छन् । बाँदरले हल्का चिर्तोनेदेखि टोक्नेसम्म गरेका छन् । आक्रमणकारी बाँदरका अन्य सदस्यहरूको खोजी जारी रहेको अधिकारीहरूले बताएका छन् ।

आक्रमणकारी अन्य बाँदरहरूको पनि खोजी भइरहेको प्राप्त विवरणमा जनाइएको छ । ‘प्रत्यक्षदर्शीहरूले विभिन्न आकारका बाँदरले हमला गरेको बताएका छन् । नयाँ आक्रमणको रिपोर्टहरू पाइरहेका छौं’ कृषि मन्त्रालयका एक अधिकारीको भनाइ उदृत गर्दै एएफपीले जनाएको छ ।

सुरुमा केटाकेटी र महिलालाई मात्र आक्रमण हुने गरेकोमा बाँदरले पछिल्ला दिनमा वृद्ध र वयस्क पुरुषहरूलाई पनि निशाना बनाएको प्राप्त विवरणमा जनाइएको छ ।

जापान । गल्कोट समाज जापान क्षेत्रीय समिति कान्तो (टोक्यो)को छैठौँ अधिवेशन आउँदाे २६ तारिकमा टोक्योको शिनोओकुबु सोलमारि मुरा हलमा हुँदैछ ।

गल्कोटबाट विभिन्न सिलसिलामा जापान आएका सम्पूर्ण गल्कोटेहरुको साझा संस्था गल्कोट समाज जापान को क्षेत्रीय समिती कान्तो टोक्योको अधिवेशन २०२२-२०२४ को कार्यकालको लागि २०२२-जुलाई २६ गते मंगलबार सोलमारी मुरा हल सिनोओकुबू मा १२बजे देखि हुने अध्यक्ष रमेशकुमार खत्रीले जानकारी दिए ।

केन्द्रीय समितिबाट कान्तो क्षेत्रीय समितिको अधिवेशन सम्पन्न गर्न ज़िम्मेवारी प्राप्त गरेका गलकोट समाजका उपाध्यक्ष रत्नसिंह बस्नेतले जुलाई २६ तारिक हुने गल्कोट समाज कान्तोको छैठौँ अधिवेशनमा टोकियोबासी गल्कोटेहरुलाई उपस्थित भएर सफल पारिदिन अनुरोधसमेत गरेका छन् ।

सन् २००६ मा बाग्लुङ जिल्लाको गल्कोट क्षेत्रबाट जापान आएर गलकोटेहरूका बीचमा भ्रातृत्वको विकास गरि जन्मभूमिप्रति सद्भाव व्यक्त गर्दै सामाजिक सेवाका क्षेत्रमा योगदान पुर्‍याउने उद्देश्यले स्थापना गरिएको समाजको छेठौँ अधिवेशनको लागि क्षेत्रीय समितिका अधिवेशनहरू गर्न लागिएको हो । समाजको केन्द्रीय समितिको अधिवेशन २०२२ सेप्टेम्बर महिनाको ७ तारिक भित्रमा गरिसक्नुपर्ने निर्णयसमेत गरिएको छ ।

टोकियो । जापानले मंगलबार शिन्जो आबेको अन्तेष्टि गर्ने तयारी गरेको छ ।

जापानमा लामो समय प्रधानमन्त्री बनेका अबेको गत हप्ता चुनावी र्‍यालीमा गोली हानी हत्या भएको थियो । ६७ वर्षको उमेरमा निधन भएका आबेलाई श्रद्धाञ्जली दिन सोमबार साँझ गर्मीको परबाह नगरी ठूलो संख्यामा मानिस उपस्थित भएका थिए ।

शुक्रबार घरेलु बन्दुक बोकेका एक व्यक्तिले उनको हत्या गरेका थिए । बन्दुक बनाउन आक्रमणकारीले युट्युबको सहयोग लिएका थिए ।

उनको हत्यापछि जापान स्तब्ध बनेको छ । आबे कुनै संगठनमा आबद्ध भएको र सो कार्यप्रति आक्रमणकारी असन्तुष्ट अनुसन्धानमा खुलेको छ ।

टोकियो । जापानका पूर्वप्रधानमन्त्री शिन्जो आबेको हत्याबारे गरिएको अनुसन्धानले आक्रमणकारीले आक्रमणमा प्रयोग गरिएको बन्दुक बनाउँदा युट्युब जाँच गरेको खुलासा गरेको स्थानीय सञ्चारमाध्यमले जनाएका छन् ।

जापान टाइम्सका अनुसार आक्रमणकारी तेत्सुया यामागामीले आफूलाई रिस उठेको धार्मिक समूहमा आबद्ध एउटा स्थानमा घरेलु बन्दुकको परीक्षण गरेको थिए ।

आफ्नी आमाले उक्त संस्थालाई ‘ठूलो दान’ दिएको यामागामीले बताएका छन् । सिन्जो आबे पनि सोही संस्थामा आबद्ध रहेको आक्रमणकारीको विश्वास छ ।

शिन्जो आबेको हत्यापछि पुलिसले यामागामीको घरमा विस्फोटक पदार्थ र धेरै घरेलु बन्दुकहरू फेला पारेको थिगयो । फेला परेकामध्ये एउटा हतियार सिन्जो आबेको हत्या गर्न प्रयोग गरिएको थियो ।

आक्रमणकारीले बन्दुक बनाउने प्रयासमा बारम्बार युट्युब जाँच गरेको देखिएको नारा प्रिफेक्चर प्रहरीलाई उद्धृत गर्दै जापान टाइम्सले रिपोर्ट गरेको छ ।

शिन्जो आबेलाई गोली हान्नको लागि यामागामीले बनाएको बन्दुक यामागामी एक पटकमा ६ वटा क्षेप्यास्त्र प्रहार गर्न डिजाइन गरिएको विवरणहरूमा जनाइएको छ ।

टोकियो । पूर्वप्रधानमन्त्री शिन्जो आबेको चुनावी प्रचारका क्रममा हत्या भएको दुई दिनपछि जापानी मतदाताहरूले आइतबार माथिल्लो सदनको चुनावमा आफ्नो मतदान गरेका छन् ।

आबेको सत्तारुढ लिबरल डेमोक्रर्याटिक पार्टीले आफ्नो बहुमत बढाउने अपेक्षा गरिएको जारी चुनाव हत्याको छायाँमा परेको छ ।

विभत्स हत्याले प्रजातान्त्रिक पक्रिया अवरोध नहुने प्रधानमन्त्री फुमिको किसिदा र अन्य राजनीतिज्ञहरूले बताउँदै आएका छन् । ‘चुनावका क्रममा आवाज दबाउन हामीले कहिल्यै पनि हिंसालाई अनुमति दिनु हुन्न’, उनले भने ।

उनले टोकियोस्थित आबेको घरमा शोक व्यक्त गरेका छन । अबेको शव शनिबार दिउँसो पश्चिमी जापानको अस्पतालबाट घरमा लगिएको थियो । अबेको हत्यापछि सम्पूर्ण देश नै स्तब्ध बनेको छ । उनको हत्याको विश्व नेताले निन्दा गरेका छन् ।

टोकियो । जापानका पूर्वप्रधानमन्त्री सिन्जो आबेको शव बोकेको सवारी टोकियोस्थित उनको घरमा पुगेको छ । दक्षिणी सहर नारामा शुक्रबार बिहान एउटा राजनीतिक कार्यक्रममा बोल्ने क्रममा आबेको गोली हानी हत्या भएको थियो ।

शव बोकेर टोकियोमा आबेको निवासमा पुग्दा सत्तारुढ लिबरल डेमोक्र्याटिक पार्टी (एलडीपी) का सदस्यहरू कालो पहिरन लगाएर श्रद्धाञ्जली दिन लाइन लागेका थिए ।

श्रद्धान्जली दिन प्रधानमन्त्री फुमिओ किसिदा पनि आबेको निवासमा जाने अनुमान गरिएको छ । यसैबीच, आबेको अन्तिम संस्कार मंगलबार गर्ने जनाइएको छ ।

हत्याको अनुसन्धान गरिरहेको प्रहरीले संदिग्ध व्यक्तिले एउटा ‘विशेष संगठन’प्रति आक्रोश व्यक्त गरेको जनाएको छ । ४१ वर्षीय आक्रमणकारी तेत्सुया यामागामीका अनुसार आबे पनि सोही संगठनमा आबद्ध थिए । यद्यपि, संगठनबारे थप विवरण केही दिइएको छैन ।

काठमाडाैं । चुनावी अभियानका क्रममा गोली प्रहार भएका जापानका पूर्वप्रधानमन्त्री सिन्जो आबेको निधन भएकाे छ । जापानी समाचार संस्था एनएचकेले उनकाे निधन भएकाे जनाएकाे छ ।

आबेमाथि शुक्रबार बिहान पश्चिमी सहर नारामा आइतबार हुने माथिल्लो सदनको चुनावी प्रचारको एउटा कार्यक्रममा सम्बोधन गरिरहेका बेला पछाडिबाट गोली हानिएको थियो ।

प्रहरीले उनलाई गोली हान्ने ४१ वर्षीय शंकास्पद पुरूषलाई तत्काल पक्राउ गरेको थियो । ती पुरूषले सटगनबाट आबेलाई गोली हानेको देखिएको छ । उनले गोली हान्नुको कारण भने खुलेको छैन ।

गोलीको आवाज आएपछि आबे आफ्नो छातीमा समाउँदै ढलेका थिए । उनको सर्टमा रगत देखिएको थियो । त्यसपछि बेहोस भएका उनलाई अस्पताल लगिएको थियो ।

काठमाडौं । जापानका पूर्वप्रधानमन्त्री सिन्जो आवेमाथि गोली प्रहार भएको छ ।

शुक्रबार बिहान साढे ११ बजे नारा सिटीमा स्ट्रिटमा स्पिच दिइरहेका बेला पछाडिबाट गोली प्रहार भएको हो ।

प्रहरीले एक शंकास्पदलाई पक्राउ गरेको छ । आवेको अहिले अस्पतालमा उपचार भइरहेको छ । उनको छातीमा गोली लागेको जापानिज मिडियाले उल्लेख गरेका छन् ।

जापानी प्रधानमन्त्री किशिदाले आबेको अवस्था चिन्ताजनक रहेको बताएका छन् ।