काठमाडाैं । नेपाली बजारमा सुनको मूल्य शुक्रबार पुन: बढेकाे छ । शुक्रबार सुन तोलामा ६ सय रुपैयाँले बढेको हाे ।
नेपाल सुनचाँदी व्यवसायी महासंघका अनुसार छापावाल सुनको भाउ शुक्रबार तोलामा एक लाख २ हजार ६ सय रुपैयाँमा कारोबार भइरहेको छ ।
बुधबार कीर्तिमानी मूल्य बनाएकाे सुनकाे भाउ बिहीबार तोलाको एक लाख २ हजार रुपैयाँ कायम थियो । शुक्रबार तेजावी सुनको भाउ तोलाको एक लाख २ हजार एक सय रुपैयाँ निर्धारण भएको छ ।
शुक्रबार चाँदीको भाउ पनि तोलामा १० रुपैयाँले बढेको छ । बिहीबार एक हजार चार सय पाँच रुपैयाँमा कारोबार भएको चाँदी शुक्रबार एक हजार चार सय १५ रुपैयाँमा काराेबार भइरहेकाे छ ।
