काठमाडाैं । आईसीसी क्रिकेट वर्ल्ड कप लिग टूमा पापुवा न्युगिनीले नेपालसामु १ सय ७४ रनको लक्ष्य प्रस्तुत गरेको छ ।
टस हारेर पहिले ब्याटिङ गरेको पीएनजीले निर्धारित ५० ओभरमा ८ विकेट गुमाएर १ सय ७३ रन बनाएको हो ।
पपुवा न्युगिनीका लागि कप्तान असद भालाले सर्वाधिक ४५ रन बनाए । त्यस्तै, च्याड सोपरले २२ रन र लेगा सियाकाले २० रन बनाए ।
नेपालका लागि कप्तान सन्दिप लामिछाने तथा सोमपाल कामीले २–२ विकेट लिए । आरिफ शेख, दिपेन्द्र सिंह ऐरी तथा पवन शर्राफले १–१ विकेट लिए ।
