काठमाडाैं । नेकपा एमालेका सांसद झपट रावलले प्रतिपक्षका सांसदले जनताको माग लिएर मन्त्रालयमा राखेका लेटरप्याड च्यातिएको भन्दै मन्त्रीहरूको हात र मुख च्यात्ने चेतावनी दिएका छन् ।
रासायनिक मलको बारेमा छलफल गर्न एमाले प्रमुख सचेतक विशाल भट्टराईले राखेको स्थगन प्रस्तावमाथिको छलफलमा रावलले यस्ताे बताएका हुन् ।
उनले भने, ‘यो सरकार जनता र किसानको पक्षमा केही काम गर्दैन, कहाँबाट कमिसन आउँछ भन्ने बाहेक केही देख्दैन । यो गठबन्धनका मान्छे यस्ता छन् मैले भर्खर सुनेँ– प्रतिपक्षका सांसदले जनताको माग लिएर मन्त्रालयमा जाँदा प्रतिपक्षको हो भनेर च्यातेका छन् । मैले अर्को दिन भण्डाफोर गर्ने वाचा गर्छु । अराजक मन्त्रीलाई जनताको तर्फबाट चुनौती दिन्छु, जनताले हात मुख च्यात्नु नपरोस् ।’
