काठमाडौं । अविरल वर्षापछिकाे पहिरोको क्षतीबारे अछामका दुई सांसदले सरकारको ध्यानाकर्षण गराएका छन् ।
सांसद डा. भीम रावल र यज्ञबहादुर बोगटीले शनिबारकाे प्रतिनिधिसभा बैठकको शुन्य समयमा अछाममा गएकाे पहिराेबारे सरकारकाे ध्यानाकर्षण गराएका हुन् ।
सांसद रावलले बिहानै गृहमन्त्री बालकृष्ण खाँण र गृहसचिवलाई घटनाबारे जानकारी गराएको जनाएका छन् । उनले राहत, उद्धारका लागि हेलिकप्टर पठाइदिन आग्रह गरेका छन् ।
यस्तै, अर्का सांसद बोगटीले मृतकलाई क्षतीपूर्ति, घाइतेको उद्धार तथा उपचार र बेपत्ताको खोजबिनका लागि आग्रह गरेका छन् ।
तीनदिनदेखि परेको अविरल बर्षापछि गएराती अछामका विभिन्न ठाउँमा पहिरो जाँदा हालसम्म १७ जनाको ज्यान गइसकेको छ, भने अझै ६ जना बेपत्ता भएकाे बताइएकाे छ ।
