काठमाडौं । प्रधानमन्त्री पुष्पकमल दाहाल ‘प्रचण्ड’ले तत्काललाई मोबाइल डिभाइस म्यानेजमेन्ट सिष्टम (एमडीएमएस) लागू नगर्न निर्देशन दिएका छन् ।
यसअघि आजदेखि एमडीएमएस लागू गर्ने तयारी गरिएको थियो ।
भन्सार विभाग र नेपाल दूरसञ्चार प्राधिकरसमक्ष प्रधानमन्त्री स्वयंले ‘तयारी पूरा गरेर अलि पछि लागू गरौं’ भन्ने निर्देशन दिएपछि यो प्रणाली स्थगित गरिएको स्रोतले बताएकाे छ ।
प्रधानमन्त्रीको निर्देशनपछि यो प्रणाली लागू हुने मिति अनिश्चित बनेको छ ।
मोबाइल दर्ता गर्नुपर्ने व्यवस्थाले विदेशबाट फर्कने नागरिकले थप सास्ती पाउने भन्दै यसको चर्को आलोचना भएको थियो । अर्थमन्त्री र प्रधानमन्त्री दुवैको छलफलपछि यो प्रणाली हालका लागि स्थगित भएकाे स्राेतकाे दाबी छ ।
