सिन्धुपाल्चाेक । कुटपिट बाट घाइते भएका सिन्धुपाल्चोकका पाँचपोखरी थाङ्पाल गाउँपालिका वडा नम्बर ६ का ७४ वर्षीय मुक्तिनाथ पौडेलको उपचारको क्रममा निधन भएको छ ।
गत शनिबार सोही ठाउँका राजाराम रायमाझी हानेको धारिलो हतियार बाट गम्भीर घाइते भएका पौडेलको उपचारको क्रममा साेमबार बिहान निधन भएको परिवारले जनाएको छ ।
शनिबार रायमाझीको कुटाइबाट ६० वर्षीया इश्वरी पौडेल र ३० वर्षीया गंगा पौडेल गम्भीर घाइते भएका थिए । घाइतेको हेलिकप्टर मार्फत उद्दार गरि थप उपचारकालागि काठमाडौं लगिएको थियो ।
अहिले अन्य २ को अवस्था सामान्य रहेको परिवारले जनाएको छ । प्रहरीले निर्घात कुटपिट गरि गोठमा लुकिछिपि रहेको अवस्थामा रहेका रायमझीलाई सोही दिन पक्राउ गरेको थियो ।
घटनाबारे अनुसन्धान जारी रहेको इलाका प्रहरी कार्यालय मेलम्चीका प्रहरी निरीक्षक उत्तमसिंह भण्डारीले जानकारी दिएका छन् ।
