भारत । एयर इन्डियाको विमानमा एक वृद्ध महिलालाई कथित रूपमा पिसाब गरेको घटनामा एक सहयात्रीको बयान बाहिर आएको छ ।
आरोपीका सहयात्रीले यात्राको क्रममा के भयो र आरोपीले कस्तो व्यवहार गर्यो भन्ने अंग्रेजी पत्रिका टाइम्स अफ इन्डियालाई बताएकाे समाचार बीबीसी हिन्दीले प्रकाशित गरेकाे छ ।
न्यूयोर्कबाट दिल्ली आउँदै गरेको फ्लाइटमा एक व्यक्तिले एक वृद्ध महिलाकाे शरीरमा पिसाब गरेको आरोप लागेको छ ।
यो घटना मंसिर २६ को हो । उक्त व्यक्तिविरुद्ध उजुरी पनि परेको छ ।
घटना भएको दिन अमेरिकामा बस्दै आएकी डाक्टर सुगाता भट्टाचार्य अभियुक्तको छेउमा रहेको सिटमा थिइन् । उनी बिजनेस क्लासको पहिलो पङ्क्तिको सिट ८ ए (विन्डो सिट) मा बसेका थिए । जबकि, अभियुक्तको सिट ८ सी थियो ।
सुगाताले उक्त पत्रिकालाई भनेकी छन्, ‘उनी रक्सीको नशामा थिए । उनले खाजामा चार गिलास सिंगल माल्ट व्हिस्की पिएका थिए । उनी नशालु देखिन्थे ।
उनले मलाई एउटै प्रश्न तीन पटक सोधेका थिए, तिम्रा छोराछोरी के गर्छन् ? त्यसपछि मैले एयरलाइन्सका कर्मचारीहरूलाई उनलाई योभन्दा बढी रक्सी नदिन भनेकाे थिएँ ।
उनले सीट ९ एमा बसेकी महिलाकाे शरीरमा पिसाब गरिदिएका थिए । रक्सीले मातेका ती व्यक्तिले ती महिलाकाे शरीरमा पिसाब गर्दा उनी निदाइरहेकी थिइन् । सुगाता भन्छिन्, ‘उनी (पीडित महिला) निकै नर्भस देखिन्थिन् ।’
त्यो घटनाले सुगाता अझै स्तब्ध छिन् । उनी भन्छन्, ‘हामी बिजनेश क्लासको केबिनको पहिलो लाइनमा बसेका थियौं । शौचालय चार पङ्क्ति पछाडि थियो । उनी (अभियुक्त) उठे र पछाडिको लाइनमा गएर झ्यालको सिटमा बसेको महिलामाथि पिसाब गरे ।’
त्यसपछि मादक पदार्थ सेवन गरेको अभियुक्त सुते ।
सुगाता भट्टाचार्यले पीडित महिलालाई सहयोग गरेकोमा दुई क्याबिन क्रु सदस्यको प्रशंसा पनि गरेकी छन् । उनीहरुले पञ्जा लगाएर पीडित महिलाका सामानहरु शौचालयमा लगेर सफा गरेका थिए ।
