काठमाडाैं । एनएमबी बैंक लिमिटेडले संस्थागत सामाजिक उत्तरदायित्वअन्तर्गत झापाको धुलाबारीमा १०० वटा डस्टबिन वितरण गरेको छ ।
उक्त सहयोग सो समुदायको विद्यालयको सरसफाइ तथा विद्यार्थीलाई फोहोर व्यवस्थापनको बानी बसाल्ने उद्देश्यका साथ त्यस क्षेत्रका ९ वटा साना तथा ठूला सामुदायिक विद्यालयमा वितरण गरिएको हो ।
उक्त कार्यक्रमलाई धुलाबारी खानेपानी उपभोक्त संस्थाले सहजीकरण गरेको थियो ।
सो कार्यक्रममा बैंकको तर्फबाट एरिया प्रमुख श्री नरेन्द सुवेदी, सिनियर बिजनेस म्यानेजर श्री प्रमोद शर्मा र धुलाबारी शाखा प्रबन्धक श्री भरत शर्मा खरेलको उपस्थिति थियो, साथै खानेपानी कार्यालयबाट अध्यक्ष श्री अजय घिमिरे लगायत अन्य पदाधिकारीको समेत उपस्थिति थियो ।
एनएमबी बैंक २६ वर्षदेखि अनवरत रूपमा बैंकिङ सेवा सुविधा प्रदान गर्दै आएको नेपाल राष्ट्र बैंकबाट ‘क’ वर्गको इजाजत पत्र प्राप्त एक अग्रणी वित्तीय संस्था हो ।
