काठमाडौं । काठमाडौंबाट भैरहवाका लागि उडेको श्री एयरलाइन्सको जहाजको इन्जिनमा आगो देखिएपछि काठमाडौं फर्काइएको छ ।
बिहीबार बिहान त्रिभुवन अन्तर्राष्ट्रिय विभानस्थलबाट गौतमबुद्ध अन्तर्राष्ट्रिय विमानस्थल भैरहवाका लागि उडेको श्री एयरको ८२१ को जहाजको इन्जिनमा आगो देखिएको हुँदा धादिङको थाक्रे क्षेत्रबाट काठमाडौं फर्काइएको हो ।
उक्त जहाजलाई त्रिभुवन अन्तराष्ट्रिय विमानस्थलमा सुरक्षित अवतरण गरिएको छ । जहाजमा रहेका चालक दलका सदस्य सहित यात्रु सुरक्षित छन्।
