काठमाडाैं । भारतमा कोरोना संक्रमितको संख्या बढ्न थालेकाे छ ।
शनिबार मात्रै भारतमा थप ३ हजार ८२४ नयाँ संक्रमित भेटिएका छन् । बितेको एक वर्षमा एकैदिन कोरोना पुष्टि भएको यो सबैभन्दा ठूलो संख्या हो ।
निरन्तर संक्रमण बढ्दै गएको छ। सबैभन्दा बढी नयाँदिल्ली र मुम्बईमा कोरोनाका बिरामी देखिएका छन् ।
केन्द्रीय स्वास्थ्य मन्त्रालयका अनुसार नयाँदिल्लीमा ३ हजार ३२४ र मुम्बईमा १ हजार २१ सक्रिय संक्रमित रहेका छन् ।
मन्त्रालयका अनुसार भारतमा कोरोनाका सक्रिय संक्रमितको संख्या १८ हजार नाघेको छ । हाल भारतमा १८ हजार ३८९ सक्रिय कोरोना संक्रमित छन् ।
