पाकिस्तान क्रिकेट बोर्डका अध्यक्ष जाका असरफले दिए राजीनामा

काठमाडौं । पाकिस्तान क्रिकेट बोर्ड (पीसीबी) लाई फेरि ठूलो झट्का लागेको छ । बोर्डका अध्यक्ष जाका असरफले आफ्नो पदबाट राजीनामा दिएका छन्।

अशरफले शुक्रबार लाहोरमा व्यवस्थापन समितिको बैठकको अध्यक्षता गरेपछि राजीनामाको घोषणा गरेका हुन् । गत वर्ष जुनमा नजम सेठीले राजीनामा दिएपछि उनले पीसीबी प्रमुखको जिम्मेवारी सम्हालेका थिए । अशरफको अध्यक्षतामा बसेको समितिको बैठकमा उनले पीसीबी सदस्यहरू र संरक्षक कार्यवाहक प्रधानमन्त्री अनवर उल हकलाई आफ्नो छोटो कार्यकालमा सहयोग गरेकोमा धन्यवाद दिए।

पाकिस्तानी जियो न्यूजको एक समाचार अनुसार पूर्व अध्यक्ष जाका अशरफले सरकारका कारण पाकिस्तानको क्रिकेटमा काम गर्न नसकिएको पनि बताएका थिए।
अशरफले भने, ‘मैले क्रिकेटको सुधारका लागि काम गरिरहेको थिएँ, तर हाम्रो लागि त्यस्तो काम गर्न सम्भव छैन । अब मेरो ठाउँमा प्रधानमन्त्री र उहाँले कसलाई मनोनयन गर्नुहुन्छ भन्ने कुरामा भर छ ।’

जाका अशरफ अघि मिकी आर्थर, ग्रान्ट ब्राडबर्न र एन्ड्रयू पुटिकले लाहोरको राष्ट्रिय क्रिकेट एकेडेमी (एनसीए) बाट राजीनामा दिएका थिए ।

गत वर्ष जाका अशरफको नियुक्तिपछि पाकिस्तानले कुनै पनि ठूलो उपाधि जित्न सकेको छैन । राष्ट्रिय क्रिकेट टोली एसिया कपको फाइनलमा पुग्न असफल भयो र पछि भारतमा भएको एकदिवसीय विश्वकपमा लिग चरणबाट पनि बाहिरियो।

विश्वकपमा पराजयपछि बाबर आजमले कप्तानीबाट राजीनामा दिएका थिए र उनको स्थानमा शान मसूद (टेष्ट) र शाहिन अफ्रिदी (टी–२०) ले कप्तानी गरेका छन् । पूर्व कप्तान मोहम्मद हफिज पाकिस्तानी टिमको निर्देशकमा नियुक्त भएका छन् । अब नयाँ राष्ट्रपति आएपछि यी पदमा फेरि परिवर्तन देखिन सक्छ ।

पछिल्लो १४ महिनामा पाकिस्तान क्रिकेट बोर्डका तीन अध्यक्षले राजीनामा दिएका छन् । रमीज राजाले डिसेम्बर २०२२ मा, नजम सेठीले २०२३ जुनमा र अब जाका अशरफले राजीनामा दिएका छन्।

जब–जब यी राजीनामाहरू भएका छन्, पाकिस्तान क्रिकेट बोर्डका सदस्य र खेलाडीहरूको छनोटमा पनि ठूलो परिवर्तन देखिएको छ। अब जाका अशरफ बाहिरिएपछि कस्तो परिवर्तन हुन्छ त्यो पाकिस्तानी क्रिकेट फ्यानका लागि पनि चासोको विषय बनेको छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७