काठमाडौं । काठमाडौंस्थित भारतीय राजदूतावासले बिहीबार भारतको ७८ औं स्वतन्त्रता दिवस मनाएको छ। नेपालका लागि भारतीय राजदूत नविन श्रीवास्तबले भारतको राष्ट्रिय झण्डा झण्डोत्तोलन गरेसँगै समारोहको शुभारम्भ भएको थियो ।
कार्यक्रममा भारतका राष्ट्रपति द्रौपदी मुर्मुले राष्ट्रका नाममा गरेको सम्बोधन भिडियोमार्फत प्रस्तुत भएको थियो ।राष्ट्रपतिको सन्देशमा विगत ७७ वर्षमा विभिन्न क्षेत्रमा भएको प्रगतिमाथि प्रकाश पारिएको छ ।उनले भारतको स्वतन्त्रताका लागि जीवन बलिदान दिने स्वतन्त्रता सेनानीहरुलाई स्मरण गरेकी छन् ।
राजदूत श्रीवास्तवले भारतीय सशस्त्र बलका मृतक गोर्खा सैनिकका श्रीमती र निकटतम नातेदारहरूलाई पाँच करोड ५० लाख रूपैयाँ नगद र कम्बल वितरण गरेर सम्मान गरे। भारतीय सशस्त्र बलका मृतक सैनिकका श्रीमती एवं एक सय सात मृतक सदस्यका निकटतम नातेदारहरुका लागि दुताबासले १२ करोड ५५ लाख रूपैयाँ भुक्तानी दिएको छ । भुक्तानीमा आर्मी ग्रुप इन्स्योरेन्स ९एजीआई० कार्यक्रम अन्तर्गत वर्ष २०२४ का लागि डेथ–इन–सर्भिस, एक्सटेन्डेड इन्स्योरेन्स र एजीआई परिपक्वता भुक्तानी लगायतका लाभहरु समावेश रहेक दुतावासले जनाएको छ ।
दूतावासले नेपालका पाँच प्रदेशका २१ वटा शैक्षिक संस्था र पुस्तकालयका लागि पुस्तक अनुदान दिने पनि घोषणा गरेको छ। यस पहलले प्राप्त अनुरोधको प्रत्युत्तरमा दुर्गम क्षेत्रका विद्यार्थीका लागि शैक्षिक सामग्रीमा पहुँच बढाउने लक्ष्य राखेको छ।
कार्यक्रममा दूतावासका अधिकारी तथा उनीहरुका परिवारका, नेपालमा रहेका भारतीय समुदायका सदस्य तथा भारतका मित्रहरुले भारतको ७८ औं स्वतन्त्रता दिवसको उत्सवमा सहभागीता जनाए । कार्यक्रममा दूतावासको स्वामी विवेकानन्द सांस्कृतिक केन्द्र र केन्द्रीय विद्यालय, काठमाडौंका शिक्षक तथा विद्यार्थीले गीत र नृत्य प्रस्तुत गरेका थिए ।
तस्बिरहरु
