काठमाडौं। राष्ट्रिय स्वतन्त्र पार्टीका सभापति रवि लामिछाने र पूर्व डिआइजी छविलाल जोशीसम्बन्धी मुद्दामा सर्वोच्च अदालतमा सुनुवाइ सकिएको छ।
शुक्रबार जाहेरवालाको तर्फबाट वरिष्ठ अधिवक्ता सुरेन्द्र भण्डारी, दिनेश त्रिपाठी र अधिवक्ता रामचन्द्र आरसी गौतमले बहस गरेका थिए। त्यसपछि लामिछानेको पक्षबाट वरिष्ठ अधिवक्ताहरू सुशीलकुमार पन्त र रमनकुमार श्रेष्ठ तथा जोशीको पक्षबाट सतिषकृष्ण खरेलले जवाफी बहस प्रस्तुत गरे।
अब आदेश लेखनको प्रक्रिया सुरु भएको छ, र आजै फैसला आउने सम्भावना रहेको अदालत स्रोतले जनाएको छ।
