काठमाडौं । नेपाली कांग्रेसका सभापति शेरबहादुर देउवाले भावी सभापतिका लागि कसैलाई वचन नदिएको बताएका छन् ।
कांग्रेसका पूर्वउपसभापतिहरू गोपालमान श्रेष्ठ र विजयकुमार गच्छदार, पूर्वमहामन्त्रीहरू प्रकाशमान सिंह र कृष्णप्रसाद सिटौला तथा पूर्वसहमहामन्त्री डा. प्रकाशशरण महतले आज सभापति देउवालाई निवासमै पुगेर भेटेका थिए ।
चाक्सीबारीमा मंगलबार बसेको ७ भाइको प्रतिनिधित्व गर्दै ५ जना पूर्वपदाधिकारी आज देउवा निवास पुगेका हुन् ।
सो क्रममा उनीहरुले अबको सभापतिका लागि कसैलाई ‘ग्रिन सिग्नल’ दिने काम भएको छ कि छैन भनेर बुझेका थिए । त्यसको जवाफमा देउवाले भने, ‘मैले कसैलाई ग्रिन सिग्नल दिएको छैन।’
