काठमाडौं । मधेश प्रदेशका पूर्व प्रमुख राजेश अहिराजलाई बालिकामाथि बलात्कार गरेको अभियोगमा पुर्पक्षका लागि थुनामा पठाउने आदेश जिल्ला अदालत काठमाडौंले दिएको छ।
न्यायाधीश पिताम्बर शर्माको एकल इजलासले अभियुक्त अहिराजलाई थुनामा राखेर मुद्दाको अनुसन्धान अगाडि बढाउन आदेश दिएको हो।
अहिराजमाथि काठमाडौंको नयाँ बानेश्वरस्थित डेरामा २०८१ जेठ ४ गते घरायसी कामका लागि ल्याइएकी बालिकालाई एक्लै भएको मौका छोपेर बलात्कार गरेको आरोप छ। आफूलाई पढाइदिने र संरक्षण दिने जिम्मा लिएका व्यक्तिबाट यौन हिंसा सहनु परेको भन्दै पीडित पक्षले जाहेरी दिएको थियो।
घटना बाहिरिएपछि प्रहरीले उनलाई पक्राउ गरी अनुसन्धान अघि बढाएको थियो। प्रारम्भिक अनुसन्धान र प्रमाणका आधारमा अदालतले उनलाई पुर्पक्षका लागि थुनामा पठाउने निर्णय गरेको हो।
