काठमाडौँ । मुग्लिन-पोखरा सडक खण्ड अन्तर्गत ऐना पहरामा यात्रुवाहक बस दुर्घटनामा परेको छ । गोरखाबाट नारायणगढका लागि छुटेको ग२ख १०७७ नम्बरको बस दुर्घटनामा परेको हो ।
जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक (डीएसपी) अशोक थापाका अनुसार घाइते दुई जनाको अवस्था गम्भीर छ भने दुर्घटना स्थलबाट ४ जनाको उद्धार गरिएको छ । ५ जनाको अवस्था सामान्य रहेको थापाले बताए ।
घटनाबारे थप विवरण आउन बाँकी छ । यसअघि ७ भदौ २०८१ मा भारतीय तीर्थयात्री सवार बस ऐना पहराबाट मर्याङ्दी नदीमा खस्दा २७ जनाको मृत्यु भएको थियो ।
