सङ्खुवासभामा माछा मार्दै गर्दा चिप्लिएर एक जनाको मृत्यु

सङ्खुवासभा । माछा मार्न कासुवाखोला गएका मकालु गाउँपालिका–३ उलिङका ४५ वर्षीय जापान राईको ढुंगामा चिप्लिएर मृत्यु भएको छ ।

जिल्ला प्रहरी कार्यालयका प्रहरी निरीक्षक रामकुमार लामिछानेका अनुसार बुधबार अपराह्न ढुंगामा चिप्लिएर राई लडेका थिए । घटनाको जानकारी पाएपछि हेदाङ्नागढीस्थित इलाका प्रहरी कार्यालयको टोली तत्काल घटनास्थल पुगेको उनले बताए ।

बुधबार अपराह्न भएको यो दुर्घटनाको खबर प्राप्त हुनासाथ हेदाङ्नागढीस्थित इलाका प्रहरी कार्यालयको टोली घटनास्थल पुगेको जानकारी दिँदै उनले शव परीक्षणका निम्ति आज जिल्ला अस्पताल पुर्‍याइने उनले बताए । उनीसँगै माछा मार्न गएका भानसिंह राईसँग प्रहरीले सोधपुछ एवं अनुसन्धान गरेको छ ।

© 2025 All right reserved Site By : Himal Creation || सूचना विभाग दर्ता नं : ४१२१–२०८०/२०८१