काठमाडौं । जेन–जी आन्दोलनको तर्फबाट वार्ताका लागि सैनिक मुख्यालय पुगेकी रक्षा बमले वार्ता बहिष्कार गरेको खुलाएकी छिन्।
उनका अनुसार प्रधानसेनापतिले राष्ट्रपतिसँग भेट्न बोलाउँदै दुर्गा प्रसाईं र रास्वपा समूहलाई समेत वार्तामा सहभागी गराउनुपर्ने प्रस्ताव गरेपछि आफूले अस्वीकार गर्ने निर्णय लिएको बताइन्।
सामाजिक सञ्जालमार्फत प्रतिक्रिया दिँदै उनले भनिन्–
राष्ट्रपतिसँग भेट्न बोलाएर दुर्गा प्रसाई र रास्वपा समूहसँग वार्तामा बस्नुस्, उहाँहरूपनि स्टेकहोल्डर हो भनेर स्वयम् प्रधान सेनापतिले भनेसकेपछि, जेन जीआन्दोलनका क्रममा भएको बलिदान र युगान्तकारी परिवर्तनको यात्रा तुहिने भएकाले हामी त्यस प्रस्तावलाई अस्वीकार गर्दै नेपाली सेनाको मुख्यालयबाट बाहिरिएर प्रदशनकारी जेन जी समूहसँग छलफलका निम्ति तयारी गरिरहेका छौँ ।
