जेनजी प्रदर्शनका कारण हालसम्म मृत्यु हुनेको सङ्ख्या ३० पुगेको छ । स्वास्थ्य मन्त्रालयको गराएको पछिल्लो अपडेटका अनुसार हालसम्म देशभर गरी ३० जनाको मृत्यु भएको हो ।
आन्दोलनका क्रममा घाइते भएर १ हजार ३३ जनाले अस्पतालमा उपचार गराइरहेका छन् । मन्त्रालयका अनुसार हालसम्म ७ सय १३ जना अस्पतालबाट डिस्चार्ज भएका छन् ।
५५ जनालाई अन्य अस्पतालमा रिफर गरिएको छ । यस क्रममा २५३ जना नयाँ भर्ना भएका छन् ।
देशभरमध्ये सबैभन्दा धेरै घाइतेको उपचार सिभिल अस्पतालमा भइरहेको छ । सिभिल अस्पतालमा मात्रै ४३६ जनाको उपचार भइरहेको छ । यस्तै, नेसनल ट्रमा सेन्टरमा १६१, एभरेस्ट अस्पतालमा १०९ सहित देशभरका २८ अस्पतालमा घाइतेहरूको उपचार भइरहेको मन्त्रालयले जानकारी दिएको छ ।
