नेपाल प्रहरीले लुटिएका हतियार, सवारी तथा सञ्चार साधन, असबाब र अन्य भौतिक साधन फिर्ता गर्न आग्रह गरेको छ । महानिरीक्षकको सचिवालयले आज एक सूचना जारी गर्दै प्रहरीबाट नियन्त्रणबाट लिइएका वा कतै भेटिएका हतियारसहितका सामाग्रीहरू प्रहरीलाई फिर्ता गर्न भनेको हो ।
सचिवालयले त्यस्ता सामाग्री स्थानीय प्रहरी वा सुरक्षा निकायको कार्यालय, जिल्ला प्रहरी कार्यालय वा प्रहरी कन्ट्रोलको फोन नम्बर १०० मा सम्पर्क गरेर फिर्ता गर्न सकिने जनाएको छ ।
यस्तै, जेनजी आन्दोलनका क्रममा नियन्त्रणमा लिइएको प्रहरी पोसाक दुरुपयोग नगर्न तथा सोसँग सम्बन्धित सूचना उपलब्ध गराउन समेत अनुरोध गरिएको छ ।
