काठमाडौं । नयाँ सरकारको प्रधानमन्त्री दाबी गरिरहेका धरान उपमहानगरका मेयर हर्क साम्पाङ आफूलाई धेरै नगिज्याउन आग्रह गरेका छन् ।
उनले विषम परिस्थितिमा भीरबाट खसेको गाडी जस्तै चकनाचूर भएको देश जिम्मा लिन्छु भनेर खुलेरै आउने आफू एक जना मात्रै सच्चा नेपाली भएको भन्दै आफूलाई धेरै नगिज्याउन आग्रह गरेका हुन् ।
उनले भनेका छन् – धेरै मलाई नगिज्याऊ ! यो विषम परिस्थितिमा भीरबाट खसेको गाडी जस्तै चकनाचूर भएको देश जिम्मा लिन्छु भनेर खुलेरै आउने एक जना मात्रै सच्चा नेपाली हुँ म । तिम्ले मान नमान तर यो देशको अभिभावक हुँ म । घमण्डी भन या जे भन । मलाई गिज्याउने तिमेरुकै कारण यहाँ देश यस्तो बन्यो ।
