काठमाडाैं । रास्वपा नेतृ तथा पूर्व शिक्षामन्त्री सुमना श्रेष्ठले सुशीला कार्की नेतृत्वको सरकारमा सहभागी नहुने बताएकी छन् । भिडिओ सन्देश जारी गर्दै आफू मन्त्री बन्न लागेको भनी चलाइएका हल्लाको खण्डन गरेकी हुन् ।
उनी शीतल निवासमा प्रधानमन्त्री सुशीला कार्कीको सपथग्रहणमा उपस्थित भएपछि यस्तो अनुमान लगाएर चर्चा भएका थिए । भ्रममा कोही पनि नपर्न भन्दै उनले नयाँ सरकारमा मन्त्री नबन्ने बताएकी छन् ।
सामाजिक सञ्जालमा उनले लेखेकी छन्–
म अन्तरिम मन्त्रीमण्डलमा जान लागेको हैन । मेरो यस सरकारप्रति पूर्ण समर्थन छ। यो सरकारलाई असफल हुने सहुलित छैन, पृष्ठभूमिमा बसेर यो सरकारलाई सफल गराउन मेरो अनुभव, सञ्जाल र समय दिनेछु, तर कुनै मन्त्रीको पद भने लिने छैन ।
हरेक आन्दोलन पछि जसको विरुद्ध आन्दोलन भएको हो त्यही पुरानो शक्तिसँग लसपस हुँदा आन्दोलनको मर्म प्रदुषित भएको छ । यसपालिको आन्दोलनमा म त्यस्तो प्रदुषणको कारक बन्दिन, यसको उपलब्धि संस्थागत गर्न दिलो ज्यान दिएर काम गर्छु ।
सत्ता होइन, सेवा गर्ने!
कुर्सी होइन, कर्म गर्ने!
नाम होइन, काम गर्ने!
