सर्वोच्च अदालतमा बन्दी प्रत्यक्षीकरण र अत्यावश्यकबाहेकका सबै सेवा बन्द भएको छ। सर्वोच्च अदालतका मुख्य रजिस्ट्रार विमल पौडेलले आइतबार एक सूचना जारी गर्दै सेवा बन्द भएको जानकारी दिएका हुन् ।
जेन–जीको आन्दोलनका क्रममा प्रदर्शनकारीहरुले भदौ २४ गते सर्वोच्च अदालतमा समेत आगजनी, तोडफोड र लुटपाट गरेका थिए । जसले गर्दा अदालतको अधिकांश भौतिक संरचना, इजलासहरू, अभिलेख मिसिल र सूचना प्रविधि प्रणाली ध्वस्त भएको छ । यही कारण बन्दी प्रत्यक्षीकरण र अत्यावश्यकबाहेकका सबै सेवा प्रवाह गर्न नसकिने सर्वोच्चले भनेको हो ।
साथै, सर्वोच्चले नियमित सेवा प्रवाहको अर्को सूचना जारी नभएसम्म म्याद हदम्याद र तारेख नगुज्रने समेत स्पष्ट पारेको छ ।
