Tag: पाकिस्तान

काठमाडौं । पाकिस्तानमा इमरान खान नेतृत्वको पाकिस्तान तहरिक ए इन्साफ पीटीआई पार्टीले आफ्नो पार्टीबाट निर्वाचित सबै सांसद्‍हरुले सामूहिक राजीनामा दिने घोषणा गरेको छ ।

नयाँ प्रधानमन्त्री चयनका लागि मतदान हुनु अघि खानको अध्यक्षतामा बसेको पार्टीको संसदीय बैठकले यस्तो निर्णय गरेको पाकिस्तानबाट प्रकाशित हुने डन अखबारको अनलाइन संस्करणले जनाएको छ ।

पीटीआईको केन्द्रिय सूचना सचिव फारुख हबिबले ट्विटमार्फत भनेका छन्, ‘संसदीय पार्टीले नयाँ आयातित सरकारविरुद्ध संसद्‍‍‍बाट राजीनामा दिने निर्णय गरेको छ ।’

पार्टीको निर्णयलगत्तै सांसद मुराद सइद, पूर्व समुद्र मामिलामन्त्री अली हैदर जइदी, अली अमिन गन्दापुर लगायत ले सांसद पदबाट राजीनामा दिएको बताइएको छ ।

पाकिस्तानी संसद्‍मा सबैभन्दा ठूलो दल पीटीआईका १५५ सांसद छन् ।

प्रधानमन्त्री खानविरुद्ध विपक्षीले राखेको प्रस्ताव पारित भएपछि उनी आइतबारदेखि नै पदमुक्त भइसकेका छन् । पाकिस्तानको संसद् (राष्ट्रिय सभा) आइतबार मध्यरातमा भएको मतदानमा १७४ सांसद उनको विपक्षमा उभिए ।

३४२ सदस्यीय पाकिस्तानी संसद्मा भएको मतदानमार्फत आफ्नो पद जोगाउन खानले कम्तीमा १७२ सांसदको समर्थन आवश्यक थियाे ।

काठमाडाैं । पाकिस्तानमा प्रधानमन्त्री इमरान खानकाे सरकार ढलेकाे छ । संसद्‌मा विश्वासको मत प्राप्त गर्न विफल भएपछि खान सत्ताबाट बाहिरिएका छन् ।

सर्वोच्च अदालतले सदर गरेको विपक्षीहरूद्वारा ल्याइएको अविश्वासको प्रस्तावमाथि आइतबार मध्यरातपछि मतदान भएकाे थियाे ।

पाकिस्तानको संसद्ले सोमबार नयाँ प्रधानमन्त्री चयन गर्नेछ । नयाँ प्रधानमन्त्रीले अर्को चुनावको मिति अर्थात् सन् २०२३ को अक्टोबरसम्म सत्ता सम्हाल्नेछन् । खान अविश्वासको प्रस्तावबाट सत्ताबाट हटाइएका पहिलो पाकिस्तानी प्रधानमन्त्री हुन्।

बिहीवार सर्वोच्च अदालतले खानले अविश्वासको प्रस्ताव अवरुद्ध गरी असंवैधानिक ढङ्गले संसद् विघटन गरेको ठहर गरेको थियो ।

प्रधानमन्त्रीबाट हटेपछि खानले आफूले विपक्षीहरूको सरकारलाई मान्यता नदिने बताएका छन् । उनले आफूलाई पदबाट हटाउन अमेरिकाको नेतृत्वमा षडयन्त्र भएको दाबी पनि गरेकाे अन्तर्राष्ट्रिय सञ्चारमाध्यमले उल्लेख गरेका छन् ।

पाकिस्तानी राष्ट्रिय क्रिकेट टोलीका पूर्वकप्तान भ्रष्टाचारविरुद्ध लड्ने र अर्थतन्त्रका समस्या सम्बोधन गर्नेसहितका प्रतिबद्धता जनाएर सन् २०१८ मा प्रधानमन्त्री चुनिएका थिए । तर पाकिस्तान आर्थिक सङ्कटमा घेरिएको छ । ती प्रतिबद्धताहरू कार्यान्वयन गरिएका छैन ।

काठमाडाैं । पाकिस्तानका प्रधानमन्त्री इमरान खानले संसद् विघटन गरेका छन् ।

उनीविरुद्धको अविश्वास प्रस्ताव खारेज भएपछि खानले देशलाई सम्बोधन गरी चुनावको तयारी गर्न जनतासमक्ष अपिल गरेका हुन् ।

आफूविरुद्धको अविश्वासको प्रस्ताव आएपछि खानले तल्लो सदन ३४२ सदस्यीय राष्ट्रिय सभा विघटन गरेर चुनावमा जाने घोषणा गरेका हुन् । पाकिस्तानमा दुई सदनात्मक संसदीय व्यवस्था छ । तल्लो सदनलाई राष्ट्रिय सभा भनिन्छ भने माथिल्लोलाई सिनेट भनिन्छ ।

खानले भने, ‘आज उप–सभामुखले जो अविश्वास प्रस्ताव खारेज गरेका छन् । यसका लागि म सम्पूर्ण समुदायलाई बधाई दिन्छु । हिजोदेखि सबै तनावमा थिए । मलाई सोधिरहेका थिए तर मैले उनीहरुलाई नडराउन भनिरहेको थिएँ ।’

उनले अगाडी भने, ‘सभामुखले आज आफ्नो संवैधानिक शक्ति प्रयोग गरी लिएको निर्णयपछि मैले व्यवस्थापिका–संसद् विघटन गर्ने निर्णय राष्ट्रपतिलाई बुझाएको छु ।’

पाकिस्तान । पाकिस्तानी प्रधानमन्त्री इमरान खानले आफ्नो ज्यान जोखिममा रहेको विश्वस्त स्रोतबाट सूचना पाएको दाबी गरेका छन् । प्रधानमन्त्री खानले आफू निडर भएर स्वतन्त्र र लोकतान्त्रिक पाकिस्तानका लागि लडाइँ जारी राख्ने बताए ।

आफूविरुद्ध संसदमा पेस भएको अविश्वासको प्रस्तावमाथि आइतबार हुने मतदानभन्दा एक दिन अगाडि समाचार संस्था एआरवाईसँगको एक अन्तवार्तामा प्रधानमन्त्री खानले देशको शक्तिशाली सेनाले आफूलाई तीनवटा विकल्पहरू– अविश्वासको मत, मध्यावधी निर्वाचन र प्रधानमन्त्री पदबाट राजीनामा दिएको बताएका छन् ।

आफ्नो ज्यान जोखिममा रहेको र विपक्षीहरूले चरित्र हत्या गरेको उनले दाबी गरे । ‘मेरो ज्यान पनि जोखिममा छ भन्ने मेरो देशलाई जानकारी गराउन चाहन्छु । विपक्षीले मेरो चरित्र हत्याको योजना बनाएका छन् । म मात्र होइन मेरी श्रीमतीलाई पनि चरित्र हत्याको योजना गरेका छन्’, पूर्वक्रिकेटरसमेत रहेका ६९ वर्षीय खानले भने ।