काठमाडाैं । भारतको पञ्जाबस्थित लुधियानामा रहेको अदालतमा विष्फोट भएको छ ।
भारतीय सञ्चारमाध्यमहरुका अनुसार यो विष्फोटमा परी दुई जनाको मृत्यु भएको छ भने धेरै मानिसहरु घाइते भएका छन् । अदालतको दोस्रो तलामा विष्फोट भएको हो ।
घटनास्थलमा अहिले प्रहरी पुगेको छ । समाचारमा बताइएअनुसार घाइतेहरुलाई अहिले अस्पताल पुर्याउने काम भइरहेको छ ।
अदालतमा अहिले धुवाँको मुस्लो आइरहेको देखिएको छ । इन्डियन एक्सप्रेसका अनुसार बिहीबार जिल्ला अदालतको काम चलिरहेको समयमा यो विष्फोट भएको हो ।
काठमाडौं । रक्षाप्रमुख विपीन रावतसहित भारतीय सेनाका १४ जना सैनिक अधिकारी लिएर उडेको एमआइ-१७ हेलिकप्टर तामिलनाडुमा दुर्घटनाग्रस्त भएको छ ।
दुर्घटनामा ११ जनाको घटनास्थलमा मृत्यु भएको र उनीहरुको शवलाई जलेको अवस्थामा फेला पारिएको भारतीय सञ्चारमाध्यमले जनाएका छन् ।
रक्षाप्रमुख रावतलाई सैनिक अस्पतालमा लगिएको बताइएकाे छ । उनकाे अवस्था गम्भीर भएकाे पनि बताइएकाे छ ।
हेलिकप्टर घटनाबारे प्रधानमन्त्री नरेन्द्र मोदीलाई ब्रिफिङ गरिएको छ । हेलिकोप्टरमा रावतसहित उनकी पत्नी मधुलिकासहित अन्य सैनिक अधिकारी सवार थिए ।
समाचार एजेन्सी एएनआईका अनुसार उक्त हेलिकप्टर सुलूर एयरबेसबाट वेलिङट्नतर्फ जाँदै थियो । दिउँसो १२ बजेर २० मिनेटमा क्र्यास भएको हो । घटनास्थलमा भेटिएका शवलाई सनाखत गर्ने कार्य चलिरहेको छ । ८५ प्रतिशत जलेर नष्ट भएकाले शवलाई सनाखत गर्न चिकित्सकको टोलीले प्रयास गरिरहेका छन् ।