चीनसँगको सीमा विवादबारे सरकारले यथार्थ छिट्टै बाहिर ल्याउँछ : प्रवक्ता कार्की

काठमाडाैं । सरकारले चीनसँगको सीमा विवादबारे यथार्थ छिट्टै बाहिर ल्याउने बताएकाे छ ।

मंगलबार मन्त्रिपरिषद् बैठककाे निर्णय सुनाउन आयाेजना गरिएकाे पत्रकार सम्मेलनमा सरकारका प्रवक्ता सूचना तथा सञ्चारमन्त्री ज्ञानेन्द्रबहादुर कार्कीले याे विवादबारे सरकारले आधिकारिक धारणा प्रस्तुत गर्ने बताएका हुन् ।

केही सञ्चारमाध्यममा चीनसँगकाे सीमा विवादबारे समाचार प्रकाशन भएकाेबारे पत्रकारले साेधेकाे प्रश्नकाे जवाफमा उनले यस्ताे बताएका हुन् । प्रवक्ता कार्कीले भने- ‘रिपोर्ट र वास्तविकताको आधारमा चाँडै सरकारले चीनसँगको सीमा विवादबारे यथार्थ बाहिर ल्याउँछ ।

सीमा क्षेत्रमा कुनै समस्या आए कूटनीतिक ढंगले समाधान खोज्ने जिकिरसमेत उनले गरे ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७