काठमाडाैं । नेपालमा थप ७ सय ४७ जनामा कोरोना संक्रमण पुष्टि भएको छ ।
देशभर गरिएको ६ हजार २ सय ७९ पिसिआर परिक्षणका क्रममा ४ सय ८२ जना र २ हजार ४ सय १७ एन्टीजेन परिक्षणका क्रममा २ सय ६५ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । त्यस्तै कोरोनाका कारण ८ जनाको मृत्यु भएको छ ।
हालसम्म नेपालमा कोरोनाका कारण ११ हजार ९ सय जनाको मृत्यु भएको छ । त्यस्तै थप २ हजार ३ सय १९ संक्रमित निको हुँदा हालसम्म नेपालमा ९ लाख ४० हजार ९ सय २ जना निको भएका छन् । हाल नेपालमा २० हजार ७ सय ३९ सक्रिय संक्रमित आइशोलेशन र १ सय १३ क्वारेन्टाइनमा रहेको मन्त्रालयले जनाएको छ ।
