श्रीलंकामा परराष्ट्रमन्त्री खड्का र भारतीय विदेशमन्त्री जय शंकरबीच भेटवार्ता

काठमाडौं । परराष्ट्रमन्त्री डा. नारायण खड्का र भारतीय विदेशमन्त्री एस जयशंकरबीच श्रीलंकाको राजधानी कोलम्बोमा भेटवार्ता भएको छ ।

बिमस्टेक मन्त्रीस्तरीय बैठकको साइडलाइनमा उनीहरुले भेटवार्ता गरेको परराष्ट्र मन्त्रालयले जनाएको हाे । परराष्ट्रमन्त्री खड्का बिमस्टेकको १८औं मन्त्रीस्तरीय बैठकमा सहभागी हुन सोमबार कोलम्बो पुगेका हुन् ।

भारतीय विदेशमन्त्री एस जयशंकरले कनेक्टिविटी, ऊर्जा, रसायनिक मल, स्वास्थ्य, बिजुलीमा आपसी सहयोग आदान प्रदानबारे छलफल भएकाे जनाएका छन् ।

उनले ट्वीट गरी रामायण सर्किटकाे काममा ध्यान पर्‍याउन सहमति भएकाे पनि जानकारी दिएका छन् ।