दीगो विकासका लक्ष्य पूरा गर्न १९ अर्ब डलर आवश्यक : प्रधानमन्त्री देउवा

काठमाडाैं । प्रधानमन्त्री शेरबहादुर देउवाले दीगो विकासका लक्ष्य पूरा गर्न १९ अर्ब डलर आवश्यक रहेको बताएका छन् ।

लगानी बोर्डको सस्टेनेबल इन्फ्रास्ट्रक्चर इन्भेस्टमेन्ट फोरमलाई सम्बोधन गर्दै देउवाले उक्त कुरा बताएका हुन् ।

कार्यक्रममा उनले २०२६ सम्म विकासोन्मुख राष्ट्रमा स्तरउन्नति गर्न लागेको बताए । उनले २०४५ सम्म कार्बन उत्सर्जन शून्यमा झार्न प्रयत्न गरिरहेको बताए ।

नेपालमा लगानी गर्नेलाई छोटो प्रक्रियाबाट काम गर्न दिइने उनले बताए । लगानी बोर्डका अध्यक्ष समेत रहेका प्रधानमन्त्रीले ३३ वटा प्रोजेक्ट स्वीकृत भएको बताए । जसमा ९ अर्ब डलर बराबरका आयोजना रहेका छन् ।

देउवाले लगानी बोर्डले प्रोजेक्ट बैंक समेत सुरू गरेको जानकारी दिए । लगानी बोर्डका सीईओ दीपक भट्टले हाल ३ अर्ब डलर भित्र्याउन सफल भएको बताउँदै २०२६ सम्म ६ अर्ब डलर भित्र्याउने दाबी गरे।

बोर्डले वैदेशिक लगानी भित्र्याउन सहयोग गर्ने संस्था र व्यक्तिलाई सम्मान गरेको छ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७