काठमाडौं । नेपाली कांग्रेस संसदीय दलको नेतामा प्रतिस्पर्धा गरेका महामन्त्री गगनकुमार थापा पराजित भएका छन् ।
बुधबार बिहान भएको मतदानमा शेरबहादुर देउवाले ६४ मत पाउँदा गगन थापाले २५ मत मात्र पाएका छन् ।
थापाले आफ्नै समूहका सांसदहरूको समेत मत पाएनन् ।
संस्थापन समूहका ५९ र शेखर समूहका ३१ सांसद थिए ।
महामन्त्री विश्वप्रकाश शर्मा र संस्थापन समूहबाट महामन्त्री लडेका प्रदीप पौडेलले समेत साथ दिएकाले कम्तिमा पनि ४० प्रतिशत मत कट्ने शेखर समूहको विश्लेषण थियो ।
