कोइला बालेर आगो ताप्ने क्रममा निसासिएर ४ जना गम्भीर बिरामी

काठमाडौं । काठमाडौं स्थित कोटेश्वरमा कोइला बालेर आगो ताप्दै गर्दा ४ जना निसासिएर गम्भीर बिरामी भएका छन् ।

काठमाडौं महानगरपालिका ३२ को सहयोगीनगरमा ढोका बन्द गरी कोइला बालेर आगो ताप्दा श्वासप्रश्वासमा समस्या भएको थियो ।

शुक्रबार राति ८ बजेतिर कुमार खत्रीको घरको पाँचौ तल्लाको कोठामा झ्याल ढोका बन्द गरी कोइला बालेर आगो ताप्दा श्वासप्रश्वासमा समस्या भई निसासिएको प्रहरीले जनाएको छ ।

बिरामी ९० वर्षीया छलमाया खत्री, ७० वर्षीया सिलमाया कटुवाल, २४ वर्षीया प्रमिला खत्री र उनको ३५ दिनको छोरा श्रीयाल खड्का रहेका छन् ।

प्रहरीले उद्धार गरि उनीहरूलाई सिभिल अस्पताल पुर्‍याएको थियो ।

अहिले तीन जनाको सिभिल अस्पतालकै आईसीयू कक्षमा उपचार भइरहेको छ भने छलमायालाई छाउनीस्थित नेपाली सेनाको अस्पतालमा रिफर गरिएको छ ।

© 2023 All right reserved Site By : Himal Creation || सञ्चार रजिस्ट्रार दर्ता नं : ०००९७